Свет
Најмалку еден загинат во експлозија во рафинерија во Мексико
Во една од главните рафинерии во северно Мексико во вторник дошло до силна експлозија, соопшти државната нафтена компанија Pemex, додека локалните власти соопштиле дека во несреќата нема загинати, но дека најмалку пет лица се тешко повредени, пренесува Reuters
Локалните мексикански медиуми пак известуваат дека седум лица загинале во експлозијата во рафинеријата на Pemex (или Petroleos Mexicanos) Кадерејта, во лбизината на северниот град Монтереј. Од компанијата изјавиле дека таквите информации не можат да ги потврдат, додека, пак, претставник на локалните служби за вонредни состојби за мексиканското државно радио рекол дека нема загинати. Гилермо де Леон, првиот човек на службата за цивилна заштита во Монтереј, изјавил дека има пет тешко повредени работници.Како што пренесува Associated Press повикувајќи се на извор од компанијата, во експлозијата има еден загинат работник и десет се потешко повредени.Изворот ја идентификувал жртвата како 32-годишниот Хуан Санчез Паз, оперативен инженер беше убиен во експлозија во билзината на поголемиот северен град Монтереј. Според истиот соговорник на агенцијата, двајца други работници се хоспитализиратни со сериозни изгореници, додека другите осум повреденеи не се во животна опасност.Портпаролот на Pemex, Франциско Монтано, во Сиудад Мексико изјавил дека експозијата се случила во делот од рафинеријата каде под висок притисок со експлозивниот водород се отстранува сумпорот од горивото. Според изјавите на сведоци, детонацијата од експлозијата се слушнала во пошироката област околу рафинеријата.Кадерејта е една од најважните рафинерии во Мексико, со капацитет од 235 илјади барели дневно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.