Свет
Пасторот Џонс се откажа од спалувањето на Куранот
Контроверзниот пастор кој предизвика реакции од целиот свет и од сите конфесии со најавата дека ќе ги спали Куранот одбележувајќи ги деветте години од нападот на 11. септември 2001 г., објави дека ќе откаже од намерата во замена за преселување изградбата на спорна црква во Њујорк
Големиот исламски центар и џамија треба да почнат набрзо да се градат во близината на ткн. Ground Zero (Нулта точка) во непосредна близина на местото каде на 11-ти септември 2001 г. беа урнати кулите близначки од Светскиот трговски центар, при што загинаа околу три илјади луѓе. Овој план на муслиманската заедница во САД, исто така предизвика жестоки реакции кај њујорчани.„Ние сметаме дека тоа би бил знак од Господ“, рекол пасторот Тери Џонс водач на малата пентакостална протестантска заедница Dove World Outreach centеr во Џејнсвил на Флорида. Тој саботата 11-ти септември претходно го прогласи за Ден за спалување на Куранот. И се подготвуваше со уште триесетина свои следбеници да изгорат стотина примероци од светата муслиманска книга. Пренесувајќи ја оваа информација, американските медиуми напоменуваат дека не е познато дали американската муслиманска заедница донела за делокација на палниранито исламски културен центар на само два блока од поранешниот Светски трговски центар. Џонс на новинарските екипи кои неколку денови дежураат пред неговата црква им рекол дека разговарал со имамот Фејсал Абдул Рауф, кој е водач на проектот за контроверзната њујоршка џамија.„Добив збор дека ќе ја преместат џамијата на друго место. Имамот се согласи да ја преселат џамијата, а ние се согласивме да го откажеме она што го закажавме за сабота“, изјавил Џонс, притоа жалејќи се дека му е укинат интернетот.Тој додал дека во сабота ќе отпатува во Њујорк каде ќе се состане со имамот Рауф и со другите лица вклучени во проектот за изградба на џамијата. Претходно претседателот на САД, Барак Обама го повика пасторот Џонс да се откаже од спалувањето на Куранот, што го нарече опасна егзибиција предупредувајќи дека тоа ќе ги загрози животите на американските војници и цивили во странство, и дека ќе ја засили Ал Каеда.Американските агенции пренесуваат дека во четврток пасторот Џонс имал телефонски разговор со министерот за одбрана Робет Гејтс. Исто така, Џонс во четврток бил посетен од агенти на FBI и не сакале да им кажат на новинарите за што зборувале половина час со пасторот, но претходно имаше информации дека „федералците“ го посетиле пасторот заради заканите што ги примил по пошта. Портпаролот на верската заедница што ја води пасторот, Вејн Сап, исто така не сакал да го комeнтира разговорот со агентите на FBI.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ воведе нови санкции за Иран
Лидерите на Европската унија вчера одлучија да ги зголемат санкциите против Техеран додека светските сили се обидуваат да спречат поширок конфликт на Блискиот Исток откако Иран го нападна Израел со беспилотни летала и проектили.
Самитот во Брисел е првиот состанок на 27-те лидери на ЕУ по нападот во саботата, кој се случи повеќе од шест месеци по избувнувањето на војната меѓу Израел и палестинската милитантна група Хамас, поддржана од Иран.
Израел посочи дека ќе возврати, но не кажа како. Европските лидери го осудија иранскиот напад, ја потврдија својата посветеност на безбедноста на Израел и ги повикаа сите страни да спречат понатамошна ескалација на тензиите.
„Сметаме дека е многу важно да се направи се за да се изолира Иран“, рече лидерот на самитот и претседател на Европскиот совет, Шарл Мишел, додавајќи дека новите санкции против Иран ќе се однесуваат на компаниите кои се занимаваат со производство на дронови и ракети.
Германскиот канцелар Олаф Шолц изјави дека е важно Израел „да не одговори со огромен напад“. Исто така, во пресрет на состанокот на шефовите на дипломатиите на членките на Г7, Италија изрази позитивно мислење за санкциите против производителите на оружје поврзани со нападот врз Израел, како и одговорните за нападите врз бродовите во Црвено море.
Иран го почна својот напад како одговор на нападот на 1 април врз неговата амбасада во Дамаск, Сирија, за кој го обвини Израел. Тел Авив ја започна својата поширока воена офанзива во Газа по смртоносниот напад на Хамас врз Израел на 7 октомври.
Европската унија веќе воведе повеќекратни санкции против Иран поради кршење на човековите права, ширење на оружје за масовно уништување и поддршка на Техеран за руската војна во Украина.
Германија, Франција и неколку други членки на ЕУ го разгледуваат планот за продолжување на постојните санкции, чија цел е да се намали бројот на беспилотни летала што Иран ги испорачува на Русија, со вклучување на проектили, како и испорака на оружје за проиранските групи на Блискиот Исток.
Аналитичарите велат дека Иран најверојатно нема да се соочи со посериозни економски санкции поради загриженоста дека цената на нафтата може да се зголеми и да ја налути Кина.
Свет
Украина предупредува на трета светска војна пред клучната одлука во Америка
Украинскиот премиер изјави за Би-Би-Си дека ќе има трета светска војна доколку Украина ја загуби војната со Русија, апелирајќи до американскиот Конгрес да го усвои повеќемесечниот закочен закон за странска помош.
Денис Шмихал изрази оптимизам дека американските пратеници ќе го усвојат жестоко оспоруваниот закон, кој обезбедува 61 милијарда долари американска помош за Киев.
Претставничкиот дом треба да гласа за пакетот оваа сабота. Предлогот вклучува финансирање за Израел, како и за Индо-Пацификот.
„Ако не се заштитиме, Украина ќе падне“, рече тој, а потоа додаде: „Глобалниот безбедносен систем ќе биде уништен и целиот свет ќе мора да најде нов безбедносен систем. Или ќе има многу конфликти, многу такви војни, а тоа може да доведе до трета светска војна“.
Ова не е првпат Украина да објавува алармантно предупредување за последиците од нејзиниот потенцијален пораз. Минатата година, претседателот Володимир Зеленски рече дека ако Русија победи во војната, може да ја нападне Полска, што ќе предизвика трета светска војна.
Кремљ, од друга страна, ги исмеа таквите тврдења како заплашување на Западот. Минатиот месец, претседателот Владимир Путин ги отфрли сугестиите дека Русија може еден ден да ја нападне Источна Европа како „целосна глупост“.
Русија никогаш не нападнала земја во НАТО, во која спаѓа и Полска. Пактот за колективна одбрана на НАТО значи дека нападот врз една членка е напад врз сите.
Во интервју за Би-Би-Си, новинарите го прашаа премиерот Шмихал за неодамнешното тврдење на републиканскиот шеф на комисијата за надворешни работи на Претставничкиот дом, Мајкл Мекол, кој рече дека членовите на неговата партија се „заразени“ од руската пропаганда.
„Треба да разбереме дека дезинформациите и пропагандата погодуваат многу луѓе во САД, многу луѓе во Европската унија, како што е случајот во Украина“, рече Шмихал. Имено, десното крило на Републиканската партија со месеци ја блокира потенцијалната помош за Украина.
Некои од тие пратеници се спротивставија на испраќање помош од десетици милијарди долари во странство без претходно да одобрат финансирање за безбедноста на границата меѓу САД и Мексико. Тие конзервативци, исто така, ја отфрлија како клевета секоја сугестија дека тие би можеле да бидат про-Кремљ.
Претседателот Џо Бајден вчера изјави дека ќе го потпише пакетот за да стане закон веднаш откако Конгресот ќе го усвои „за да испрати порака до светот дека стојат со своите пријатели“. Украина е критично зависна од испораките на оружје од САД и Западот за да ја продолжи својата борба против Русија, која има супериорна работна сила и артилериска муниција.
Свет
Маж фрли бомба врз Сатански храм во САД
Американските власти вчера уапсија маж од Оклахома затоа што фрлил бомба врз седиштето на Сатанскиот храм во Масачусетс.
Чудно именуваната организација со седиште во Салем на својата веб-страница наведува дека се залага за секуларизмот и индивидуалните слободи и дека нејзините членови всушност не го обожаваат сатаната.
Шон Патрик Палмер (49) е обвинет дека ја оштетил зградата на храмот со експлозивна направа. Тој денеска треба да се појави пред судот во Оклахома. Доколку биде прогласен за виновен, му се заканува казна затвор до 20 години и парична казна до 250.000 долари, пишува АП.
Надзорните снимки покажуваат како Палмер се приближува до сатанскиот храм околу 4 часот наутро на 8 април. Го сокрил лицето, а на себе носел војнички елек. Потоа ја запалил експлозивната направа, ја фрлил на главниот влез и побегнал. Бомбата делумно се активирала, предизвикувајќи мала пожарна штета.