Свет
Ахмадинеџад: Ни САД, ни Израел не се способни да почнат војна против Иран
За напад врз Иран, САД немаат оправдување, а Израел – дводолно сила, па затоа военото сценарио околу Исламската Република е малку веројатно, рекол иранскиот претседател Ахмадинеџад во вторник во интервју за рускиот телевизиски канал на англиски јазик Russia Today
Оваа изјава на иранскиот претседател Махмуд Ахмадинеџад се однесува на изјавата од почетокот на август што ја даде началникот на Здружениот генералштаб на вооружените сили на САД, адмирал Мајкл Мален кој тогаш рече дека САД имаат план во случај на развој на настаните околу Иран. Сепак, адмирал Мален изрази надеж дека „до тоа нема да дојде“. Изјавата на американскиот адмирал дојде речиси истовремено кога Ахамдиенџад му предложи на својот американски колега Барак Обама да се сретнат во септември и да дискутираат за актуелните меѓународни прашања.„Апсолутно е јасно дека САД не се во состојба да започнат уште една војна. Морам да кажам дека САД претпочитаат да водат разговори не од некои логички позиции, туку од позиција на притисок. Од логичка гледна точка, САД немаат никаква основана причина да го нападнат Иран. Покрај тоа, за таков напад нема услови. Дали актуелните состојби на Блискиот исток дозволуаат почнување нова војна? Таква можност во моментов едноставно не постои“, рекол Ахмадинеџад.Коментирајќи во врска со изјавата на адмиралот Мален за постоење американски план за напад врз Иран, Ахмадинеџад изјавил дека неговата земја е подготвена да се брани, повторувајќи дека и покрај тоа што Техеран смета дека тоа е многу малку можно сценарио.„Ако, спротивно на очекувањата, сепак започнат војна, ние ќе бидеме подготвени да се одбраниме. Но истовремено сметаме дека ништо посебно нема да произлезе од тоа“, додал иранскиот претседател.Запрашан за можните израелски напади врз Иран, Ахмадинеџад вели дека Иран не може да биде нападнат ни од таа земја, ниту од која друга земја.„Израел е многу мал. Ние не го земаме предвид. Тие се премногу слаби да го нападнат Иран, и притоа знаат дека доколку не’ нападнат, Израел ќе биде уништен“, вели Ахмадинеџад.Инаку првата официјалан реакција на Техеран во врска со изјавата на адмиралот Мален, дојде многу брзо. Иранските власти тогаш го предупредија Вашингтон да не презема „непромислени дејствија“ против Иран, вклучително и воен напад врз Исламската Република. Како што тогаш изјави иранскиот министер за надворешни работи Манучехр Мотаки, САД долго време му се закануваат на Иран со воена акција, но сегашната ситуација во Ирак и во Авганистан не му дозволуваат да го направат тоа. Според Мотаки, доколку Вашингтон почне агресија против Иран, „нив ќе ги стигне многу полоша судбина отколку што ја сретнаа во Ирак и во Авганистан“.Годинава, американски официјални претставници во неколку наврати изјавуваа дека САД имаат план за можно воено решение на конфликтот, односно нарекувајќи го тоа „екстремна опција“, повиквуајќи на дипломатско решение на пробелмот со иранската нукеларна програма. На пример, државнито секретарот за одбрана, Роберт Гејтс изјави дека САД располагаат со потенцијали за напад, кои ги отвора новата амерканска неуклеарна доктрина, донесена пролетва.Иран и САД повеќе од 30 години водата нерпиајтелска политика меѓу себе. Дипломатските односи меѓу двете земји беа прекинати во 1979 г., кога радикалните поддржувачи на ајатолахот Хомеини ја нападнаа американската амбасада во Техеран, земајќи во заложништво 52 лица. За време на владеењето на Џорџ В. Буш (2001-2009), особено по изборите за претседател на Иран на Махмуд Ахмадинеџад во 2005 г., односите меѓу двете земји и натаму се влошуваа. Но и по стапувањето на претседателската функција на Барак Обама, односите меѓу Вашингтон и Иран значително не се променија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Почна нова детална потрага по Данка, пристигнаа спасувачки екипи со куче
Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во Бањско поле и рано утринава започнале детално пребарување на просторот околу куќата пред која исчезнало двегодишното девојче.
Екипите се состојат од 18 пожарникари-спасувачи со 5 теренски возила и едно куче.
Припадниците на српската полиција во континуитет ги преземаат сите мерки и дејствија за пронаоѓање на девојчето и утврдување на сите факти и околности за нејзиното исчезнување, информираат од Министерството за внатрешни работи на Србија.
Што правеа багерите вчера околу куќата од каде што исчезна Данка
Вчера околу куќата каде исчезна Данка во Бањско поле имаше два багери.
Според Телеграф.рс, багерите првенствено работеле на расчистување на теренот бидејќи куќата била опкружена со депонија, па полицијата за полесни претреси го расчистува просторот од гломазен и друг отпад.
„Сечат дрвја и го отстрануваат отпадот бидејќи околу куќата има депонија“, јави репортер од местото на настанот.
Европа
Голем руски напад врз Украина, Полска ги подигна борбените авиони
Руските сили рано утринава ја напаѓаа инфраструктурата во областа Камјанск во близина на украинскиот град Днипро, при што е повредено најмалку едно лице, изјави регионалниот гувернер, додека медиумите во Суспилна објавија дека има експлозии и во регионите Ивано-Франковск и Хмелницки.
„Непријателот ја нападна критичната инфраструктура во регионот. Главна цел на непријателот е нашиот народ и виталните места за населението“, напиша на Телеграм гувернерот на регионот Дњепропетровск, Серхиј Лисак.
Лисак не објасни за каков напад станува збор, но коментаторите на Телеграм известија за употребените проектили и експлозиите во областа. Исто така, наводно имало и прекин во снабдувањето со електрична енергија и вода.
Ројтерс не можеше независно да ги потврди извештаите од областа. Украинските медиуми јавуваат дека експлозии се слушнале и во Лавов, град на крајниот запад на Украина.
Медиумската куќа Суспилна објави за руски крстосувачки ракети во украинскиот воздушен простор и експлозии во регионите Ивано-Франковск и Хмелницки и градот Днипро, додавајќи дека не е познато дали проектилите погодиле некоја цел.
Руските сили извршија големи напади врз објектите на енергетската инфраструктура во последните неколку недели, вклучувајќи го и масовниот напад на 22 март, кој Киев го опиша како најголем таков напад од инвазијата на московските сили во февруари 2022 година.
Оперативната команда на полските вооружени сили соопшти дека полските и сојузничките авиони биле активирани рано утринава откако Русија извршила ракетни напади врз Украина.
„Полските и сојузничките авиони летаат во полскиот воздушен простор, што може да резултира со зголемени нивоа на бучава, особено во југоисточниот дел на земјата“, објави командата на социјалната платформа „Икс“.
Југоисточниот дел на Полска се граничи со Украина, додаде Ројтерс.
Регион
Силен земјотрес ја погоди Бугарија
Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ.
Земјотресот е регистриран во 8:38 часот по локално време, на четири километри од Девин, на длабочина од девет километри.
🔔#Earthquake (#земетресение) M3.8 occurred 6 km SW of #Devin (#Bulgaria) 4 min ago (local time 08:38:05). More info at:
📱https://t.co/IbUfG7TFOL
🌐https://t.co/MSdvNiasPN
🖥https://t.co/ycq6JSIzuY pic.twitter.com/jACmTRndoJ— EMSC (@LastQuake) March 29, 2024
Речиси половина час пред овој земјотрес Бугарија ја погоди потрес со јачина од 2,4 степени според Рихтеровата скала.
Забележан е во 8:09 часот по локално време.
Во 08:42 часот е регистриран и трет земјотрес со јачина од 2,2 степени според Рихтеровата скала.
Засега нема информации за повредени или материјална штета.