Свет
Повеќе од 20 туристи киднапирани во мексиканско одморалиште
Група вооружени мажи киднапирале 22 туристи во јужното мексиканско одморалиште Акапулко, а судбината на грабнатите се уште е непозната, пренесува во сабота AFP повикувајќи се на извор од обвинителството на сојузната мексиканска држава Гереро каде се наоѓа познатото одморалиште
„Дваесет идвајца жители на градот Морелија (во сојузната држава Мичоакан) беа киднапирани во четвртокот“, изјавиле од обвинителството. Туристите од соседната држава Мичоакан пристигнале во Акапулко со автомобили за да го минат викендот. Биле грабнати кога барале апартмани за сместување. Гереро, покрај Синелоа и Чиауа се смета за една од најкриминогените мексикански држави во која се водат крвави пресметки на помалите наркокартели за контрола врз територијата со најголемиот Ла Фамилиа.Киднапирањето било пријавено од еден маж кој бил со групата туристи и успеал да го избегне киднапирањето. Тој ја напуштил групата за да купи нешто од продавница, неговото друштво веќе било одведено, рекол за Associated Press Фернадно Монреал, началник на истражниот оддел на полицијата во државата Гереро. Тој рекол дека групата имала само туристички намери.Сведоци рекле дека киднапираните чија возраст се движела од 17 до 47 години, биле грабнати од вооружена банда која ги однела во непознат правец со трите возила со кои патувале. Засега нема мотиви за грабнувањето, ниту од четвртокот се јавила некој група да бара откуп за киднапираните.Од полицијата, која ги блокирала сите патишта кои водат кон и надвор од Акапулко, соопштиле дека нема индиции дека грабнатите се поврзани со трговијата со дрога.Наркокартелите и нивните банди често киднапираат припадници на ривалиските групи и најчесто по неколку денови нивните испокасапени тела се наоѓаат на депонии или крај патишта. Но, многу ретко се случува преживеан од такво киднапирање да пријави во полиција.Акапулко е една од клучните точки за високите профити од трговијата со дроги и затоа стана бојно поле на бандите и наркокартелите. Насилството во државата Гереро се зголеми оваа година, откако настана поделба на картелот Белтран Леива, чии високо позиционирани припадници во клановската хиерархија беа уапсени или ликвидирани во пресметки со полицијата. Мексиканскиот претседател Фелипе Калдерон по доаѓањето на власт во 2006 г. објави војна на организираниот криминал и нарко мафијата . Со оглед на раширената корупција во редовите на владата и полициски службеници, тој беше принуден да ја вклучи и армијата со 50 илајди незјини припадници во борбата против трговијата со дрога. Од почетокот на 2006 г. во Мексико загинаа повеќе од 28 илјади луѓе, а меѓу нив има стотици припадници на полцијата, армијата и други безбедносни служби.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Поранешниот директор на Мосад за нападот на Иран: Сите опции се „на маса“
Поранешен директор за разузнавање во израелската разузнавачка агенција Мосад вели дека таргетирањето на нуклеарните објекти во Иран е една од опциите за одговор на нападот врз Израел, пишува „Sky News“.
Зохар Палти зборуваше за можните форми на одговор откако Иран истрела повеќе од 300 проектили и беспилотни летала кон Израел.
Запрашан дали сè е на маса, вклучително и таргетирање на нуклеарни постројки, Палти рече: „Нема прашање. Сè е на маса во моментов“.
Запрашан дали тоа вклучува нуклеарни постројки, тој рече: „Вклучувајќи сè“.
Иран во неделата привремено ги затвори своите нуклеарни постројки од „безбедносни причини“.
Нападот врз Израел уследи по наводниот смртоносен израелски напад врз иранскиот конзулат во Сирија. ИДФ соопшти дека 99 отсто од оружјето испукано кон Израел не успеало да навлезе во неговата моќна противвоздушна одбрана.
Сепак, како што пренесуваат медиумите, израелската влада нема да изврши одмазда за масовниот ирански напад на израелска територија минатиот викенд.
Свет
„Тајмс оф Израел“: Америка ја прифати операцијата на Израел во Рафах, доколку Израел не го нападне Иран
Соединетите Американски Држави го прифатија планот на Израел за копнена операција во јужниот дел на Газа во градот Рафах во замена за неизвршување на голем напад врз Иран, пишува „Тајмс оф Израел“, повикувајќи се на неименуван египетски функционер.
„Американската администрација покажа дека го прифаќа планот што претходно го претстави окупаторската влада во врска со воената операција во Рафах, во замена за неизвршување голем напад врз Иран“, изјави неименуван египетски функционер за катарскиот медиум „Ал Араби ал Џадид“.
Тој додаде дека Египет се подготвува за можните последици од инвазијата на Рафах, каде, според израелските медиуми, се верува дека се наоѓаат четири баталјони на палестинската милитантна група Хамас и над милион цивили кои побегнале таму од другите делови на Појасот Газа, а се сомнева дека таму се и лидерите на Хамас и израелските заложници, пренесува Танјуг.
Израелскиот јавен сервис „Кан“ вчера објави, повикувајќи се на неименуван израелски функционер, дека израелскиот премиер Бенјамин Нетанјаху го променил планот за одговор на нападот на Иран по разговорот со американскиот претседател Џозеф Бајден.
Неименуван израелски функционер појасни дека одговорот на Израел ќе се случи, но дека ќе биде поинаков од планираниот.
Ноќта меѓу саботата и неделата, Иран изврши напад врз Израел со беспилотни летала и балистички и крстаречки ракети како одмазда за нападот на иранскиот конзулат во Дамаск на 1 април, за кој го обвини Израел.
Свет
Полскиот претседател приватно се сретна со Трамп во Њујорк: „Ме покани во неговиот стан“
Полскиот претседател, Анджеј Дуда, изјави дека за време на неговата денешна посета на Њујорк имал приватна средба со поранешниот шеф на американската држава и претседателски кандидат на Републиканската партија, Доналд Трамп.
Изборниот штаб на Трамп ги опиша двајцата мажи како „одлични пријатели“, се вели во соопштението за состанокот, во кое се додава дека разговарале за предлогот на Дуда земјите од НАТО да трошат најмалку три отсто од својот БДП за одбрана.
Дуда, чиј мандат истекува во 2025 година, беше еден од меѓународните партнери на Трамп кога тој беше претседател.
„Доналд Трамп ме покани во неговиот приватен стан, така да се каже. Ова е едноставно приватен состанок во врска со мојот престој овде во Њујорк“, изјави Дуда за новинарите во Њујорк.
Трамп, кому му се суди во Њујорк под обвинение дека го купил молкот на порнографската актерка Сторми Даниелс, е во тесна трка против демократскиот шеф на државата Џо Бајден пред претседателските избори во ноември.
Многу европски лидери веќе долго време се загрижени дека новиот мандат на Трамп може да значи намалување на американската поддршка за Украина, со која се граничи Полска, и за НАТО алијансата.
„Претседателот Трамп со задоволство се присети на неговата значајна посета на Полска во 2017 година и го пофали полскиот народ за цврстата одбрана на неговиот суверенитет и посветеноста на заштитата на европските граници од какви било и сите закани“, се вели во соопштението од изборниот штаб на Трамп.