Свет
Три експлозии во Мексико, една крај конзулат на САД
Три експлозивни направи биле активирани во градот Монтереј во северно Мексико, а една од нив во непосредна близина на американскиот конзулат при што е рането едно лице, соопштила локалната полиција, пренесува во недела AFP
Првата експлозија во Монтереј, главниот град на северната сојузна мексиканска држава Нуево Леон, се случил во саботата на еден паркинг во близина на канцеларијата на обвинителот. Притоа со полесни повреди се здобил еден стражар, од експлозивот кој бил фрлен низ прозорец во зградата.Втората бомба експлодирала два часа подоцна, на 40 метри од конзулатот на САД, а третата по половина час пред затворот, пренесува во недела CNN.Ваков напад со експлозив врз конзулатот во Монтереј беше извршен и во 2008 г..Во јули годинава американски конзулат беше цел на напад со експлозивна направа и во северниот мексикански град Нуево Ларедо на границата со Тексас при што беше оштетен само еден прозорец. Заради безбедност, овој конзулат некое време беше затворен.Последнито напад е продолжение на серијата напади врз американските дипломатски претставништва и нивниот персонал за што се сомничат локалните мексикански нарко картели. Се претпоставува дека тоа е одговор на бандите за апсењата на повеќемина нивни луѓе во САД, како и за помошта што Вашингтон му ја дава на претседателот Фелипе Калдерон во борбата против нарко мафијата.Во март оваа година вооружени напаѓачи поврзани со нарко картелите убија три лица поврзани со американскиот конзулат во градот Сиудад Хуарез, предизвикувајќи го гневот на претседателот Барак Обама кој вети дополнителна финансиска помош но и поголем притисок врз мексиканските власти во оваа броба. Монтереј инаку се наоѓа 120 километри од границата со САД и е трет по големина град во Мексико, од неодамна стана арена на борба против наркокартелите завојуваните за контрола на патот на дрогата во САД. Минатиот месец, американскиот Стејт департмент од безбедносни причини им забрани на вработените во конзулатот да ги земат со себе членовите на нивните семејства, особено децата.На крајот од јули годинава, мексиканската полиција најде повеќе од 50 тела во масовна гробница кај деловниот центар Монтереј што беше доказ за ескалацијата на насилствата поврзани со војната на нарко картелите.Во февруари во државата Нуево Леон имаше серија крвави пресметки меѓу наркокартелите и напади врз полициски станици.Мексиканскиот претседател Фелипе Калдерон и’ се обрати на јавноста по драматичниот пораст на насилствата кон крајот на овој февруари, децидно демантирајќи дека владата ја поттикнува војната меѓу нарко картелите.„Станува збор за неверојатни измислици, лажни и злонамерни, а јас не знам кои се мотивите што стојат зад тоа. Оваа администрација води војна со сите нарко картели, без никакви разлики“, изјави Калдерон.Неговата реакција дојде откако Заливскиот картел во Нуево Ларедо објави јавни огласи дека претседателот Калдерон и неговата администрација го фаворизираат исто така озлогласениот картел Синелоа кој е осомничен за многу крвави маскари од минатото. Заливскиот картел и картелот Ла Фамилиа, пак, во последно време се сомничат како извршители на повеќе грозоморни убиства врз нивните ривали и врз припадници на полицијата и патролите на војската.Во посебно сооопштение, Министерството за внатрешни работи на Мексико објави дека во времето на администрацијата на Кладерон се уапсени околу 72 илајди луѓе уапсени, од кој 27 отсто му припаѓале Заливскиот картел, а повеќе од 24 отсто на картелот Синелоа. Но во војната меѓу бандите за превласт на територијата, насилството не се намали ниту откако беа ангажирани и силни федерални и воени единици. Во 2006 г. претседателот Фелипе Калдерон ја ангажираше и армјата со 50 илјади припадници, во запирање на крвопролевањата. Но тоа не помогна, туку и полцајците и војниците и нивните семејства станаа цели на бруталните банди Во војната од 2006 г. досега во пресметките во Мексико се убиени околу 28 илјади лица. Мексико е главната транзитна точка за шверцување кокаин од Јужна Америка во САД и истовремено е еден од најголемите светски производители на хероин и марихуана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полска истражува наводна руска шпионажа
Полската агенција за внатрешна безбедност изврши претреси како дел од истрагата со други европски безбедносни служби за наводна руска шпионажа, беше соопштено денеска.
Полска, западниот воен центар за снабдување на Украина, која се бори против руската инвазија, вели дека станала главна цел на руските шпиони. Ја обвинува Москва и нејзиниот сојузник Белорусија дека се обидуваат да ја дестабилизираат.
„Документирани се акции насочени кон организирање проруски иницијативи и медиумски кампањи во земјите на ЕУ“, се вели во соопштението, повикувајќи се на интернет порталот voice-of-europe.eu, за кој велат дека објавил проруски материјали.
Претресите беа извршени во вторникот во Варшава и Тихи во западна Полска, се вели без дополнителни детали.
Операцијата била координирана со други земји, особено со партнери од Чешка, се наведува.
Во средата, чешката влада санкционираше две лица, меѓу кои и прорускиот украински политичар Виктор Медведчук и интернет порталот voiceofeurope.com, за, како што рече, водење на операција за проруско влијание во Европа.
Последните дејствија произлегоа од истрагата завршена во јануари оваа година, во која полски државјанин беше обвинет под сомнение дека шпионирал за руските специјални служби.
Свет
Во Франција за Велигден ќе биде распоредена полиција пред секоја црква
Францускиот министер за внатрешни работи Жералд Дарманин денеска им нареди на полициските началници да распоредат сили за ред пред сите католички и протестантски цркви за време на Велигден.
Во СМС порака до полициските началници, Дарманин напиша дека „многу високото“ ниво на терористичка закана и „продолжувањето на тензиите“ на меѓународната сцена, особено со војната во Газа и нападот во Москва, „бара исклучителна будност“. за време на велигденските празници овој викенд.
Тој, исто така, додаде дека е неопходно да се воспостави „визуелна контрола на луѓето кои влегуваат во верските објекти за да се откријат сомнителни лица“ и дека „посебно внимание треба да се посвети на „возилата стационирани во близина на големите собири“.
Дарманин дал инструкции за „зголемено физичко присуство на полицијата пред секоја црква или еврејски храм“ од петок до крајот на неделата.
Од почетокот на годината во Франција спречени се два напади. Националното обвинителство за тероризам објави дека еден од тие напади вклучува „џихадистичка идеологија“ насочена против католичка институција.
Велигден, со кој се слави Христовото воскресение, е најголемиот христијански празник. Католиците и протестантите го слават овој викенд, а православните верници на 5 мај.
Регион
„Во семејството не смее да постои ниту една тајна, верувам дека детето е со некого и дека не е надвор“: Јуриќ за случајот со исчезнатата Данка
Основачот на Центарот за исчезнати и малтретирани деца, Игор Јуриќ, учествувајќи во емисија во живо, кажа нови детали од истрагата за случајот со исчезнатата Данка Илиќ објаснувајќи зошто потрагата на терен била прекината по 27 часа.
„Не, тоа апсолутно не значи дека некои работи се откриени, напротив, значи само дека нема потреба да се троши работна сила и да се насочува енергија кон тој дел од теренот, кој е целосно и темелно прегледан. Штом немаме дополнителни информации, истрагата продолжува, сега истрагата тргна во друга насока и се вршат некои оперативни дејства поврзани со сознанијата за самото девојче“, изјави Јуриќ.
Тој вели дека во случаите на исчезнување на детето родителите мора да споделат сè со полицијата, дури и најинтимните семејни тајни, кои може да бидат важни во тие моменти.
„Кога зборуваме за овие ситуации, кога детето ќе исчезне, едноставно, не смее да има никакви тајни во семејните односи, напротив, треба целосно да ѝ помогнете на полицијата. Ако имате каква било ситуација што може да доведе до несакан настан, во случајот исчезнување мало девојче, мора да кажете сè што знаете“.
Основачот на Центарот за исчезнати и малтретирани деца вели дека во деновите кога не знаеле каде е ќерка му Тијана Јуриќ посакувал некој да излезе и да побара откуп.
„Навистина верувам и го чекам соопштението на полицијата за да видам кое е конечното решение за оваа драма, но, дефинитивно, бев среќен што детето не беше пронајдено на тој простор, особено таа прва вечер бидејќи тешко дека детето може да преживеало таму во тие услови. Кога исчезна Тијана, се надевавме дека некој ќе ни побара откуп и дека е жртва на киднапирање, некако сега се надевам дека има шанси детето поради некоја причина да е со некои луѓе и да е уште живо. Таа надеж постои во нашите глави, но од нашето искуство мораме да бидеме подготвени за најлошите вести.
Според него, добро е што е пребарана областа и последната надеж е дека некој е вмешан и дека детето е скриено поради некоја причина.
„Сега очекувам дека оперативците на МУП ќе завршат добра работа и дека, конечно, ќе ја дознаеме вистинската вистина.
Игор Јуриќ зборуваше и за активирање на системот „Најди ме“.
„Системот го активираат началниците на полициските одделенија, во случајот тоа беше полициското одделение каде што детето исчезна. Кога ќе се процени дека детето е во опасност, системот се активира. Она што беше специфично во овој случај е дека детето е екстремно мало, самите околности беа многу чудни и полицијата бргу реагира и поради возраста на детето, темелно го пребара теренот.
„Полицијата се погрижила да не го загрози дополнително животот на детето и да ги истражи сите околности, детето да не биде жртва на киднапирање, да не се бара откуп и слично, затоа системот бил активиран околу 7 часот“, објаснува тој.