Свет
Повредени во експлозија кај бритaнската амбасад во Јемен
Експлозијата се случил во среда во близина на Британската амбасада во главниот град на Јемен – Сана, при што има повредени, јави катарската телевизија Al Jazzaira, пренесува Reuters
Според Reuters, кој се повикува и на сопствени извори во безбедносните служби на Јемен, направата експлодирала во близина на возило во кое бил заменикот-шеф на британската дипломатска мисија во оваа земај. Како резултат на несреќата, настрадале случајни минувачи.Според податоците на Agence France Presse, која се повикува на изјави од очевидци, во експлзоијата имало тројца повредени какo поsледiца на активирање на експлозивно полнење или на ракетирање.Според Associated Press во областа блиску до Британската амбасада во времето додека минувал дипломатски конвој со членови од персоналот на дипломатското претставништво, експлодирала минофрлачка граната.Околностите на несреќата, како и податоци за бројот на жртвите се уште не се наведени во ниедени извештај. Исто така, јеменските власти засега немаат никакво официјално соопштение за нападот.Во септември 2008 г. во Сана во напад на исламистичките милитанти на амбасадата на САД загинаа најмалку 16 лица, вклучувајќи и еден американски државјанин. Во април истата година во главниот град на Јемен, се случи експлозија во Царинската управа, кој се наоѓа во близина на италијанската амбасада во центарот на градот. Истиот месец, милитантите поврзани со меѓународната терористичка организација Ал Каеда, во престолнината Сана извршијата напад врз станбен комплекс населен со странски државјани, претежно персонал на странските дипломатски претставништва во Јемен, но притоа немаше повредени и жртви.Во мај годинава, келијата на меѓународната терористичка група Ал Каеда во Арапскиот полуостров, ја презеде одговорноста за нападот од 26-ти април во Јемен, односно за неуспешниот напад врз колона од автомобили на британскиот амбасадор. Бомбаш-самоубиец тогаш активираше експлозивна направа во близина на конвој на автомобили со британскиот амбасадор во Сана, Тимоти Торлот, при што беа ранети тројца случајни минувачи, а мабасадорот не беше повреден.Како што е објавено на една од интернет страниците на екстремистичките исламски организации блиски со Ал Каеда, го обвини британскиот амабсадор за „водење војна против муслиманите на Арапскиот полуостров, во името на својата државата“ и за „помагање и поттикнување на САД во нападот врз исламот“. Јеменската влада ја засили борбата против тероризмот со поддршка на САД по Божик, 25 декември 2009 г. кога државјанинот на Нигерија, Умар Фарук Муталаб се обиде да активира експлозивна направа во авионот на американскиот патнички авион „А330“ над аеродромот во Детроит. Одговорноста за нападот ја презеде келијата на Ал Каеда во Јемен.Јемен е во западнат во сериозни економски и политички тешкотии. Властите се спротиставуваат на милитантите на Ал Каеда, шиитските бунтовници во северниот дел од државата и во последно време се поактивните сепаратистички тенденции на југот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.