Свет
Пет партии влегоа во парламентот на Киргистан
Ден откако според податоците на изборната комисија пет партии влегоа во парламентот на Грузија по изборите кои се оценети како главно фер и слободни, почнаа комбинаториките за тоа кои партии ќе ја сочинуваат новата коалициска влада
Во киргистанскиот еднодомниот парламент Жогорку Кенеш влегоа пет партии од 29-те кои се јавија на изборите, односно оние кои успеаја да го минат изборниот праг од освоени пет отсто од вкупниот број гласови.За повеќето аналитичари изненадувачки победник е опозиционата националистичката партија Ата Журт која освои 28 мандати. Оваа партија особено популарна на југот од земјата каде во крвавите судири меѓу Киргистанците и етничките Узбеки во април годинава загинаа околу две илјади луѓе.Една од можните коалиции за формирање влада е договорот меѓу третопласираната лева проруска партија Ар-Намис на поранешниот премиер Феликс Кулов која освои 24 мандати и четвртопалсираната нова партија Республика која освои 23 пратеника а ја предводи нафтениот бизнисмен Омурбек Бабанов. Резултатите укажуваат дека расположението на избирачите во Киргистан е изедначено во однос на партиите. Така, втората партија на Социјалдемократите освои 26 мандати како и левата партија Ата-Мекен која ги обединува противниците на соборениот пролетоска претседател Курманбек Бакиев, која влезе во парламентот со најмалку мандати и ќе има 19 пратеници. Сепак, бидејќи според предизборните анкети повеќето избирачи ги сметаа за најодговорни за проблемите и судирите што дојдоа по бунтот за симнување од власт на Бекиев, малку е веројатно дека тие ќе станат дел од новата владејачка коалиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.