Свет
Најмалку 50 ранети во масовни безредија во Бангладеш
Во судири меѓу полицијата и локалните жители во сабота во близина на главниот град на Бангладеш, Дака, најмалку 50 лица се повредени, јавува Reuters повикувајќи се на портпаролот на министерството за одбрана и сведоци на насилствата
Толпата луѓе, од кои многумина биле вооружени со стапови и мачети, нападнале армиски камп во подистриктот Рупганџ, 16 километри источно од Дака.Причината за избувнувањето на насилството бил обид на полицијата со палки да го расчисти улиците преполни со луѓе кои протестирале против планираното национализирање на околу 400 хектари земјиште потребни за градење домови за припадниците на армијата. Локалните жители се противат на понудената, според нив, несоодветно нискиот надоместок.Околу 60 војници морале да бидат евакуирани со помош на четири хеликоптери, а некои биле евакуирани со речен брод. „Ги евакуиравме војниците за да се избегне конфронтацијата со локалното население“, изјавил претставникот на министерството за одбрана.Демонстрантите запалиле две воени возила и оштетиле неколку други, а исто така било демолирано и штабот на логорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.