Лавина затрупа меѓу четири и 12 лица во одморалиште во рускиот регион Домбај, во Карачај-Черкесија, на Кавказ.

Лавината се сруши на скијачката патека и затрупа две приколки на местото за изнајмување ски-опрема, а оштетено е и кафуле, пренесува ТАСС.

Первые кадры из КЧР, где лавина сошла на курорте в посёлке Домбай. Люди пытаются найти выживших. pic.twitter.com/0xUJEoDwKe

— Iurie Iurie (@IuriiIurie) January 18, 2021

На местото на несреќата се наоѓаат спасувачки екипи кои се обидуваат да ги најдат затрупаните лица. Од руското Министерство за вонредни состојби рекоа дека спасувачкиот тим се состои од 50 лица, но дека ќе бидат ангажирани уште 172 лица за да ги бараат затрупаните.

Одделот на Министерството за вонредни состојби во Карачај-Черкесија издаде итно предупредување за опасност од лавини на планините над 2.000 метри.

Кинеската компанија „Синовак Биотек“ соопшти дека клиничките испитувања покажале дека нивната вакцина против Ковид-19 е речиси 20 проценти поефикасна во докажано дека е скоро 20 проценти поефикасна кај помала подгрупа на пациенти чиј временски интервал помеѓу двете дози бил подолг.

Кај 1.394 пациенти кои примиле дози на КоронаВац или плацебо, на растојание од три недели, ефективноста е скоро 70 проценти, изјави портпаролот на компанијата.

Бразилските експерти минатата недела објавија дека ефикасноста на вакцината е 50,4 проценти, врз основа на резултатите од 9 000 волонтери, од кои повеќето добиле две дози во растојание од 14 дена, како што е наведено во протоколот за клиничко испитување.

Временскиот интервал помеѓу две дози на вакцината стана главна тема меѓу научниците, регулаторите и владите. Британскиот регулатор соопшти дека вакцината против Ковид-19, произведена од „АстраЗенека“ и од Универзитетот „Оксфорд“, е поефикасна со подолг временски интервал помеѓу двете дози, отколку што првично се очекуваше.

Кинеските државни медиуми објавија дека 12 од 22 работници по експлозијата останале заглавени во рудник за злато една недела, но дека се живи, како и дека стотици спасувачи се обидувале да ги извлечат на сигурно.

Судбината на преостанатите десет работници е непозната, се додава во извештајот на агенцијата „Синхуа“.

Во пишаниот извештај се наведува дека четворица работници биле повредени и дека состојбата со другите се влошува поради недостаток на свеж воздух и вода, додава АП.

Претходните водачи на акцијата за спасување се приведени затоа што не дале извештај за состојбата во рудникот по 24 часа.

Станува збор за рудникот од областа Кикси, кој припаѓа на градот Јантаи во провинцијата Шангдонг и кој бил во фаза на реконструкција во времето кога се случила експлозијата пред една недела.

Повеќе од 300 работници се обидуваат да ги отстранат пречките додека дупчат нови отвори во камените sидови за да стигнат до областа каде што се наоѓаат работниците.