Свет
Австралија ќе организира референдум за признавање на Абориџините
Австралија ќе организира референдум за признавање на нејзиното домородно население во Уставот за да овозможи подобри услови за најзагрозената заедница во земјата, пренесува BBC.
Премиерката Јулија Гилард изјави дека ова шанса еднаш во 50 години за да се заузда јавната и парламентарната поддршка за мнозинско признавање.
Повеќе од половина милион Абориџини кои живеат во Австралија претставуваат 2,7 проценти од популацијата.Тие се погодени од несразмерно високата стапка на невработеност, затворање, употреба на дрога, алкохолизам и други заболувања.
Според зборовите на премиерката Гилард, практичните напори да им се помогне на Абориџините и на другите загрозени заедници во Австралија нема да успеат без поголема почит.
„Уставот на Австралија е основен документ на нашиот систем на владеење, но тој не успева да обезбеди доволно права за првите Австралијци“, рекла Гилард. Таа додала дека признавањето ќе покаже дека Австралија е земја која е обединета во признавањето на уникатното и специјалното места на првите луѓе што живееле на тие простори.
На референдумот ќе се побара од државата да им даде уставно признание на староседелците. Се уште не е јасно кога ќе се одржи гласањето.Лидерите на Абориџините велат дека позитивен исход од референдумот ќе има драматичен ефект врз самодовербата на заедницата.
Од 1901 година во Австралија се одржале 44 референдуми, од нив само седум биле успешни./крај/BBC/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Свет
Русија со најава: Ги преместуваме системите „Искандер“ на границата со Финска
Русија најави дека ќе ги премести ракетните системи способни да носат нуклеарно оружје на границата со Финска. Прокремљскиот весник „Известија“ минатата недела објави дека руското Министерство за одбрана формирало посебна ракетна бригада во руската република Карелија со системи „Искандер-М“, кои можат да лансираат конвенционални и нуклеарни ракети.
Русија ја нарече провокативна, одлуката на Финска за влез во НАТО, а потоа и приемот на Шведска. Искандерите се сметаат за централен дел на новоформираниот руски воен округ Ленинград (ЛМД), кој беше создаден како одговор на пристапувањето на Хелсинки во НАТО.
Генерал-мајор Хари Ора-ахо, поранешен директор на финската воена разузнавачка агенција, го коментираше овој потег.
„Ако ова се оствари, нема да промени ништо“, напиша тој на X. „Во секој случај, ние треба да се браниме од ракетите Искандер“, рече тој, додавајќи дека такви проектили веќе се распоредени јужно од Санкт Петербург.
„Оперативно изгледа апсурдно да се приближуваат вакви ракетни системи со долг дострел до нашата граница, тие се лесни цели за нас“, додаде тој.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.