Свет
ЕУ планира да воведе црна листа на небезбедни аеродроми

Европската унија(ЕУ) планира да ја зајакне контролата на товарот што се превезува со авион, што би вклучувало ставање на црна листа на аеродроми од земјите надвор од ЕУ за кои ќе се процени дека немаат добри безбедносни мерки.
Министрите за внатрешни работи на Европската унија(ЕУ) денеска го разгледуваа предложениот план во пет точки, што го поднесе германскиот министер за внатрешни работи Томас де Мајцире, пренесува Асошиејтед прес.
Властите на Велика Британија и на Обединетите Арапски Емирати минатиот месец открија два пакета-бомби на своја територија, кои биле упатени од Јемен до две синагоги во Чикаго.
Одговорноста за нивното испраќање го презема Ал Каеда од Арабискиот полуостров.
Минатата недела повеќе мали писмо-бомби беа испратени до повеќе амбасади и странски лидери, но и овој обид за напад беше спречен.
Неколку земји, меѓу кои САД, Германија, Британија и Франција, привремено ги забранија сите пратки од Јемен.
Ако помине предлогот на Де Мајцире, тоа ќе биде првпат ЕУ да усвои таканаречена „црна листа на странски аеродроми“.
ЕУ има листа на небезбедни авиокомпании од 2006. година. На неа има 278 авиокомпании од 17 земји, воглавно мали превозници од Африка и Азија. /крај/ап/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Постои можност дека новиот вид коронавирус пристигнал во Косово

Триесет примероци на коронавирусот од Косово пристигнаа денес во Берлин, а резултатите од лабораторискиот тест се очекуваат за две недели. Тестовите ќе покажат дали содржат нов вид коронавирус.
Косовските инфектолози се сомневаат дека новиот вид коронавирус пристигнал на територијата на Косово, пренесува „Газета експрес“.
Специјалистот за инфективни болести, Хамди Рамадани, изјави дека Светската здравствена организација објави оти новиот вид се проширил во 60 земји и дека поминала речиси една година од првиот случај на корона во Косово, па не е исклучено да се појави мутирана форма на вирусот.
Според него, оваа нова форма на мутација може да биде иста како онаа во Британија, но може да биде и друга форма на вирус.
Директорот на одделот за микробиологија, Џеват Јакупи, рече дека во Косово нема лабораториски услови за откривање нов вид коронавирус, па затоа повеќе примероци ќе бидат испратени во Берлин следниот месец.
Регион
Во Србија помалку од 1.700 новозаразени од коронавирус, 20 починати

Во последните 24 часа во Србија биле тестирани 10.240 лица на коронавирусот, од кои 1.648 биле позитивни, а починале 20 лица.
Според последните податоци на Министерството за здравство и Институтот „Батут“, во болниците во Србија има 166 пациенти на апарати за дишење.
Досегашните корона-рекорди се: најмногу позитивни за еден ден – 7.999, најмногу луѓе на апарати за дишење – 353, најмногу тестирани – 22.837 и најмногу починати – 69.
Свет
Бајден му го препушти на Сенатот прашањето за отповикување на Трамп

Одлуката за тоа како ќе продолжи процесот на судење на поранешниот претседател на САД, Доналд Трамп, новиот американски претседател Џо Бајден ќе му ја препушти на Сенатот, соопшти портпаролот на Белата куќа, Џен Псаки.
„Убедени сме дека Сенатот може да ја исполни својата уставна должност додека работи за американскиот народ. Претседателот Бајден ќе им ги остави механизмите, временската рамка и другите детали за тоа како Конгресот ќе го продолжи процесот на отповикување“, рече Псаки на брифингот за печатот во Белата куќа.
Претседателот на Претставничкиот дом, Ненеси Пелоси, сè уште не го испратила текстот за отповикувањето до Сенатот, а според правилата на тоа тело, судењето на поранешниот претседател ќе почне ден по приемот на одлуката за отповикување.
Бајден претходно ги повика сенаторите да не дозволуваат судењето во Трамп да ги забави преостанатите активности во првите денови од неговиот мандат, како што се гласање за неговата администрација и донесување закони.
- Книги1 месец
Македонски лекар ја објави последната исповед на Јосип Броз Тито
- Македонија3 месеци
Излезе од затвор Панче Ангелов, напаѓачот на Шекеринска од 27 април
- Црна хроника2 месеци
Млада девојка од Штип пронајдена мртва во нејзиниот дом
- Македонија2 месеци
МЖСПП: Мечкиното грозје важен ресурс, кој треба грижливо да го собираме
- Економија3 месеци
(Видео) Младите од Струмичко порачуваат – ако не проработи рударскиот комплекс, ќе се иселиме сите
- Македонија1 месец
(Видео) Отстранети два нелегално изградени објекта во општина Центар
- Спорт3 месеци
Гетџи: По мечот со Хабиб, мојата мајка конечно ќе може да се пензионира
- Македонија4 недели
Возачот на „бентлито“ што „влета“ на плоштад казнет со 45 евра, објавена фотографија од записникот