Свет

Првпат по 1976-та со Медалот на честа одликуван жив војник на САД

Објавено пред

10 години

- 17 ноември, 2010

Од

Американскиот претседател Барак Обама во вторникот му го предаде највисокото воен одликување на САД – Медалот на честа на наредникот Салваторе Гиунта кој ранет си го ризикувал животот да и спаси соборците од заседа во Авганистан во 2007 г

Медалот на честа во САД најчесто се доделува постхумно за „неоспорен патриотизам документиран и потврден на сите нивоа од системот на командување“, и многу се ретки американските војници кои ова највисоко одликување на нивната татковина го примиле додека се живи. Салваторе Гиунта е 25-годишник од сојузната држава Ајова е првиот кој ова највисоко воено одликување што се доделува во САД додека е жив од 1976 г. и прв од војните во Авганистан и од Ирак, за кои досега ова одликување е доделено постхумно на седум американски војници. Американскиот претседател Барак Обама при доделувањето рекол дека е привилегија да се доделува ова признание на жив војник и тоа, како што рекол „на момче кое е толку скромно, колку што е голем херој“ „Дозволете ми да излезам од сценариото, мене навистина ми се допаѓа ова момче“, изјавил претседателот Обама, што било проследено со силно ракоплескање на присутните воени и цивилни функционери кои присуствувале на свеченоста на доделувањето на одликувањето во Источната соба на Белата куќа.. Истовремено претседателот Обама им одал признание и на соборците на Гиунта и на сите други американски војници кои останаа да отслужуваат во Авганистан, Ирак и на другите места и по завршувањето ан нивните ротации. Гиунта на 25-ти октомври 2007 г. како припадник на 503-та Пешадиска регимента при патролирање во долината Коренгал во јужен Авганистан паднал во заседа на талибаните. Кога талибаните успеале да ги раздвојат војниците од водот на Гиунта во две групи, тој се излоил на непријателскиот оган и извлекол во засолништво ранет соборец. Потоа се вратил и успеал да спречи двајца талибани да заробат друг негов ранет соборец притоа укажувајќи му прва помош. Во таа заседа смртно настрадале двајца американски војници.Гиунта во вторникот при примањето на одликувањето изјавил дека веднаш би го вратил Медалот на честа кога тоа би можело да ги врати од мртвите неговите соборци и другари. Во интервјуто за NBC News тој вели дека себеси се смета за сосема обичен војник и „само еден од многуте“„Познавам многу похрабри луѓе од мене, и многу посилни, а со многу од нив служев“, рекол Гиунта кој сега се наоѓа на прекоманда во Италија. Со добивањето на Медалот честа војникот се здобива со ногу почести, како што се обезбедено место на инаугурацијата на претседателот на САД и на сите други највисоки воени и државни свечености.

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:

Следно

Чиле: 33 жени протестираат во рудник

Претходно

Канада ги повлекува борбените сили од Авганистан

Свет

Путин: Може да се соочиме со борба сите против сите

Објавено пред

15 минути

- 27 јануари, 2021

Од

Макфакс

Постои можност да се соочиме со колапс на светскиот развој и борба на сите против сите, изјави рускиот претседател Владимир Путин на Меѓународниот економски форум во Давос.

„Ситуацијата може да се развие непредвидливо и неконтролирано, доколку, се разбира, ништо не се стори за да се спречи тоа да се случи. Покрај тоа, постои можност да се соочиме со вистински колапс во развојот на светот што може да доведе до тоа секој да се бори против секого“, рече руски лидер.

Според него, глобалниот безбедносен систем во моментот се деградира – регионалните конфликти се размножуваат во светот, а меѓународните институции слабеат.

„Како што е познато, неможноста и неподготвеноста суштински да се решат ваквите проблеми во 20 век резултираа со катастрофа во Втората светска војна“, додаде Путин.

Сепак, претседателот се надева дека конфликт како Втората светска војна не е можен во сегашните услови.

„Се разбира, сега таков глобален конфликт, се надевам, во суштина не е можен. Навистина се надевам дека е така. Тоа би значело крај на цивилизацијата“, прецизира Путин.

Тој исто така рече дека се зголемува степенот на агресивна реторика во надворешната политика на одредени земји.

„ Може да се очекува дека природата на практичните активности ќе стане поагресивна“, изјави рускиот претседател.

Прикажи повеќе...

Регион

Во Србија повеќе од 1.800 новозаразени со коронавирус, 20 починати

Објавено пред

2 часа

- 27 јануари, 2021

Од

Макфакс

Во последните 24 часа во Србија се тестирани 11.443 лица, од кои 1.839 биле позитивни на коронавирус, а 20 лица починале.

На апарати за дишење се приклучени 164 пациенти.

Во Србија се спроведува масовна вакцинација против Ковид-19. Само денес вакцинирани се 41.305 лица, а од почетокот на вакцинацијата 361.830 лица.

Србија е на трето место во Европа според бројот на вакцинирани на милион жители, по Велика Британија и Малта, изјави српската влада за „Танјуг“.

Во регионот, Србија е прва според бројот на вакцинирани на милион жители, по што следуваат Романија и Словенија.

Прикажи повеќе...

Европа

Евакуирана фабрика која произведува вакцини за „Астра Зенека“, се сомневаат на бомба

Објавено пред

2 часа

- 27 јануари, 2021

Од

Макфакс

Полициските единици за отстранување бомби се испратени во фабрика во Велс, која произведува вакцини против коронавирус за „Астра Зенека“, пренесуваат светските медиуми.

Според британските медиуми, во фабриката пристигнал сомнителен пакет.

„Примен е сомнителен пакет, по што ги известивме надлежните органи. По нивен совет, дел од објектот беше евакуиран. Истрагата е во тек“, изјавија од фабриката.

Засега нема информации за можни жртви.

Road closed off and factory sealed off. pic.twitter.com/3hSnnUgS0s
— ian hunter (@ian_hunter9) January 27, 2021

Џон Роберт, сопственик на компанија лоцирана во близина на фабриката, тврди дека слушнал силен тресок околу 11:35 часот по локално време.

„Тројцата разговаравме кога слушнавме силна експлозија или тресок. Излегов надвор, не можев да видам ништо. Погледнав на друга страна и видов двајца мажи на покривот. По тоа, полицијата дојде и ги блокираше патиштата и ги претресе грмушките“, вели Роберт.
Неговиот син Марк рече дека полицијата ги затворила патиштата и дека слушнале дека таму има тим за отстранување бомби.

„Тие се тука околу еден час или нешто повеќе“, рече Марк.

Major Incident at Wockhardt, Wxm Ind Est, road closed @wrexham pic.twitter.com/cRfDYFX4wV
— Pauline Salisbury (@PaulSalisbury15) January 27, 2021

Би-би-си наведува дека полицијата поставила кордон во близина на фабриката и патиштата биле затворени, а органите за спроведување на законот апелирале до граѓаните да ја избегнуваат таа локација.

Прикажи повеќе...