Кинеската компанија „Синовак Биотек“ соопшти дека клиничките испитувања покажале дека нивната вакцина против Ковид-19 е речиси 20 проценти поефикасна во докажано дека е скоро 20 проценти поефикасна кај помала подгрупа на пациенти чиј временски интервал помеѓу двете дози бил подолг.

Кај 1.394 пациенти кои примиле дози на КоронаВац или плацебо, на растојание од три недели, ефективноста е скоро 70 проценти, изјави портпаролот на компанијата.

Бразилските експерти минатата недела објавија дека ефикасноста на вакцината е 50,4 проценти, врз основа на резултатите од 9 000 волонтери, од кои повеќето добиле две дози во растојание од 14 дена, како што е наведено во протоколот за клиничко испитување.

Временскиот интервал помеѓу две дози на вакцината стана главна тема меѓу научниците, регулаторите и владите. Британскиот регулатор соопшти дека вакцината против Ковид-19, произведена од „АстраЗенека“ и од Универзитетот „Оксфорд“, е поефикасна со подолг временски интервал помеѓу двете дози, отколку што првично се очекуваше.

Кинеските државни медиуми објавија дека 12 од 22 работници по експлозијата останале заглавени во рудник за злато една недела, но дека се живи, како и дека стотици спасувачи се обидувале да ги извлечат на сигурно.

Судбината на преостанатите десет работници е непозната, се додава во извештајот на агенцијата „Синхуа“.

Во пишаниот извештај се наведува дека четворица работници биле повредени и дека состојбата со другите се влошува поради недостаток на свеж воздух и вода, додава АП.

Претходните водачи на акцијата за спасување се приведени затоа што не дале извештај за состојбата во рудникот по 24 часа.

Станува збор за рудникот од областа Кикси, кој припаѓа на градот Јантаи во провинцијата Шангдонг и кој бил во фаза на реконструкција во времето кога се случила експлозијата пред една недела.

Повеќе од 300 работници се обидуваат да ги отстранат пречките додека дупчат нови отвори во камените sидови за да стигнат до областа каде што се наоѓаат работниците.

Две жени и тројца мажи се обвинети за кражба на околу 250 тони лосос во вредност од над четири милиони австралиски долари (околу три милиони американски долари) од фабрика за преработка во Сиднеј, соопшти полицијата од Нов Јужен Велс.

Полицијата започнала истрага во декември минатата година, откако извршен директор на компанија за одгледување и преработка на лосос открил дека дневно исчезнуваат околу 600 килограми лосос од неговата фабрика за преработка во Инглбурн, град југозападно од Сиднеј.

Истрагата резултирала со апсење на две работнички и тројца работници во фабриката. Сите тие веднаш добиле откази.

Полицијата извести дека петмината вработени во фабриката ги користеле своите позиции за лажно да оценуваат врвни производи од лосос како отпаден материјал, што потоа го ваделе од фабриката во свој „аранжман“ и го продавале или разменувале за други производи.

Полицијата објави дека наведените работници, членови на синдикатот, наводно украле над 250 тони лосос во периодот меѓу јуни и декември 2020 година.