Свет
Затворена швајцарската жиро-сметка на основачот Wikileaks
Подружница на швајцарската пошта, компанијата PostFinance ја затвори сметка на основачот на сајтот Wikileaks Џулијан Aсанџ, со образложение дека тој доставил неверодостојни информации за местото на престојување, се вели во соопштението на компанијата издадено во понеделникот
Претходно швајцарските медиуми објавија дека PostFinance, врши проверка на податоците за жиро-сметката отворени во името на Џулиан Асанж. Станува збор за сметка на која поддржувачите на Wikileaks да уплаќаат донации за интернет страницата.„PostFinance ја затвори жиро-сметката на основачот на Wikileaks, Џулијан Асанж. Решението е донесено откако се утврди дека Асанж при отворањето на сметка дал лажни информации во врска со неговото место на живеење“, се наведува во соопштението на компанијата, што го цитира AFP.Според PostFinance, како место на живеење Асанж го навел градот Женева.„Проверката покажа дека оваа информација е неверодостојна. Асанж не може да обезбеди доказ за престој во Швајцарија, така што не може да ги исполни барањата да стане клиенти на PostFinance“, се додава натаму во соопштението.Претходно, на интернет страницата Wikileaks којашто продолжува со објавувањето на интригантните тајни преписки на американската дипломатија и администрацијата, услугите и ги откажаа електронските платежни системи Amazon.com, Paypal и EveryDNS. PayPal во своето образложение наведоа дека се решиле на овој чекор откако американските власти соопштија дека активност на итнернет страницата со објавувањето на документите се крши законот. Исто така, образложувајќи ја оваа одлука, PayPal се повикува на одредени сопствени услови за услугата коишто забрануваат употребата на системот за плаќање за секоја активност која е на некој начин поврзана со нелегални активности.Судот во Стокхолм во ноември го одобри барањето на обвинителството да ги приведе 39-годишниот Австралиец, кој е обвинет дека во Шведска за силување и сексуално малтретирање, а од 20 ноември Интерпол (на барање од канцеларијата на шведскиот обвинител) дистрибуираше до сите 188 земји членки на организацијата ткн. „црвена потерница“ со името на Асанж , што е еднакво на негово влегување на листата на најбарани лица. Сепак, според адвокатот на Санж, Марк Стивенс, Скотланд Јард ќе го отфрли налогот бидејќи тоа ги прекршува законските норми. Во четвртокот, британскиот весник Independent напиша дека Асанж наводно се наоѓа во Лондон, и дек ана полицијата и ги дал сите негови контакти и адресата на којашто престојува.Асанж самиот ги отфрла обвинувањата, нарекувајќи ги дел од „валканата кампања“ што се води против Wikileaks од јули годианва кога почна со објавувањето на тајните документи на Пентагон за војните во Авганистан и Ирак.Од мМинатиот понеделник Wikileaks повторно е во центарот на вниманието на светската јавност откако почна со објавување на официјалната тајна кореспонденција на американските дипломати со Стејт департментот. Во депешите на амбасадорите на САД и лица од администрацијата со непријатни карактеристики се опишуваат настани во многу земји, како и се даваат накарадни оцени за голем број светски лидери. Инаку документите што ги објавува WikiLeaks не ја носат ознаката „строго доверливо“, туки се квалифицирани како „за вантрешна употреба“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двегодишното девојче кое исчезна во Србија се бара насекаде, полицијата врши распити на голем број лица
Потрагата по девојчето Данка Илиќ (2), кое во вторникот исчезна во Бањско поле во Бор, се уште трае и не се знае како е можно девојчето да се изгуби. Полицијата ја проверува секоја информација што ќе дојде до нив, сослушани се неколку лица, повторно се разговараше со родителите, но ниту една информација не укажува на тоа што се случило и каде е Данка, пишува „Нова.рс“
Екипата на порталот денеска беше во Бањско поле каде се уште има голем број полицајци. Властите со багер го чистеа теренот околу куќата во која последен пат била видена Данка. Исто така, на имотот е извршено ископување, а јамите повторно се пребаруваат.
Полицијата ја истражува секоја трага што може да укаже на тоа што се случило со девојчето.
„Полицијата разговараше со голем број луѓе, соседи, познаници, се со цел да ја пронајде Данка. Досега ниту една трага не довела до тоа каде е девојчето или што и се случило“, вели изворот на Нова.рс.
Истрагата се одвива во повеќе правци, а денеска полицијата повторно разговараше со родителите на девојчето.
„На вториот ден од нејзиното исчезнување, родителите на девојчето биле во полиција до доцна во ноќта. Тие утрово биле повторно повикани, а исто така цел ден поминале во полициска станица. Не се познати околностите врз основа на кои два дена биле на распит. Извесно е дека родителите вчера имале разговори и со Центарот за социјална работа, а повеќе од тоа не се знае“, додава изворот на „Нова.рс“.
Неофицијално беше објавено и дека полицијата нашла нова трага, односно дупка на местото на кое исчезна девојчето, и дека целото внимание го насочува кон тоа.
Она што е сигурно е дека се проверуваат сите околности и се сослушуваат и сите лица кои можеби имаат сознанија за случајот.
Меѓу нив е и кој бил зад воланот на автомобилот „пунто“ што го снимиле надзорните камери на куќата во Бањско Поље, во моментот на исчезнувањето на малата Данка. Куќата пред која е снимен автомобилот се наоѓа на стотина метри од местото каде исчезна Данка.
На снимката се гледа автомобил кој брза околу 13 часот и 47 минути, а малото девојче исчезнало малку пред тоа, околу 13 часот и 45 минути, како што вели нејзината мајка.
„Ја знам таа жена, ја видов како носи две деца во парк, страшно е што се случи“, велат соседите.
Девојчето Данка Илиќ исчезна во вторникот во Бањско Поље кај Бор. Во средата по 27 часот полицијата ја прекина потрагата и започна друг вид на акција за пронаоѓање на детето. Во ова мало место кај Бор се уште остана одреден број полицајци, а вчера беше блокиран и пристапот до куќата.
Во потрагата по исчезнатото дете се вклучени припадници на Жандармеријата, пожарникари, планинска спасувачка служба, како и голем број доброволци.
Регион
„Само се шалевме“ – уапсените поради тврдењата за исчезнатото девојче се донесени во полиција
Тројцата кои беа уапсени во Босна и Хервеговина, а тврдеа дека имаат информации за исчезнатото девојче од Србија, Данка Илиќ и бараа пари, во полиција рекле дека „само се шегувале“, пренесува Н1 Сараево.
Федералната полициска управа вечерва уапси три лица кои на социјалните мрежи тврдеа дека имаат информации за исчезнувањето на двегодишното девојче од Србија, Данка Илиќ, по коешто трага речиси целиот регион.
Како што јави известувачот на Н1, уапсените биле донесени во зградата на Федералната полициска управа.
Како што се дознава, за време на преносот во живо на „Тик-ток“, тие побарале десетици евра за да ја откријат локацијата на девојчето и тврделе дека ја чуваат во подрумот.
Веднаш по апсењето изјавиле дека „само се шегувале“. Сите уапсени се членови на исто семејство.
Инспекторите на Одделот за компјутерски криминал на Федералната полициска управа преку ИП адресата ги лоцираше лицата кои тврделе дека имаат информации за исчезнувањето на детето.
Вчера на социјалните мрежи се појави видео од надзорната камера на куќа лоцирана во близина на местото каде исчезна Данка Илиќ во 13:45 часот.
На видеото се гледа автомобил кој брза во 13 часот и 47 минути, а малото девојче исчезнало малку пред тоа, односно во 13 часот и 45 минути, како што рекла нејзината мајка.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.