Свет
Во експлозијата во Пакистан најмалку 14 загинати
Бомбаш-самоубиец во петокот удрил со трактор натоварен со експлозив во болница во градот Хангу во северозападниот дел на Пакистан, во петокот, при што загинаа најмалку 14 лица а ранети се 16, јавува Reuters повикувајќи се на изјави на официјални лица
Се претпоставува дека станува збор за секташки напад, бидејќи во моментот на експлозијата, според официјалните претставници на пакистанската полиција, бидејќи тракторот удрил во просторијата во која во тој момент верски обред извршувале шиитски муслимани.Неколку полициски офицери за агенцијата изјавиле дека меѓу загинатите има и три полицајци . Пакистанските власти се подготвуваат за секташкото насилство за време на најсветиот месец за шиитските муслимани Мохарам, која почна во средата. Сунитски милитантни групи во овој период често ги напаѓаат шиитски верски собири.Во градот Хангу во претходниве неколку години исто така имаше неколку поголеми секташки напади и судири.Во средата, бомбаш-самоубиец се разнесе покрај еден минибус во близина на градот Кохат, при што загинаа најмалку 16 лица.Пакистанските талибани, кои се тесно поврзан со Ал Каеда, ја презедоа одговорноста за самоубиствениот бомбашки напад во близина на канцеларија на гувернерот (кој е официјален претставник на пакистанската влада) во регионот Мохамнад на северозапад во понеделникот, при што загинаа најмалку 40 лица.Пакистанската влада, која САД ја гледаат како стратешки сојузник во војната против борбеност, се соочува со зголемена закана од дејствување на милитантните групи, предупредуваат домашни политичари и странски аналитичари.САД и владата во Исламабад се соочуваат со растечкото насилство од страна на талибанските бунтовници, кои преземаа серија самоубиствени бомбашки напади како одмазда за неколкуте воени офанзиви што минатата и оваа година беа преземени за уништување на нивните упоришта во северозападниот дел од Пакистан. Во овие напади заедно дејствуваат приапдници на Ал Каеда, пакистанските талибански милитанти и други групи исламистички групи. Некои од нив се анти-западно расположени, додека други се водени пред сè од секташката нетрпеливост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.