Свет
„Бенк оф Америка“ откажа да го опслужува Викиликс
Една од најголемите американски комерцијални банки „Бенк од Америка“ откажа да трансферира плаќања на сметка на интернет страницата Викиликс, објави Ројтерс во саботата цитирајќи соопштение на банката.Претходно во декември примањето донации за интернет страницата го ускратија и Мастеркард, Виза и ПејПал, објаснувајќи ја својата одлука да не му пружаат свои услуги на Wikileaks со одредени дејствија на страницата кои се сметаат за нелегални активности. Покрај тоа, швајцарските власти ја затворија банкарската сметка на уапсениот во Лондон а подоцна ослободен со кауција основач на фамозната интернет страница Џулиан Асанж.„ „Бенк оф Америка“ се приклучува на дејството коешто претходно го преземаа Мастеркард, ПејПал, Виза Европа и други компании, и нема да врши какви и да се активности, коишто според наше мислење, на еден или друг начин се поврзани со Викиликс“, се вели во соопштението на банката објавено во петокот вечер.„Оваа одлука е донесена врз основа на нашето верување кое не е без причина, дека Викиликс е поврзана со активности кои, меѓу другото, се спротивни на нашите внатрешни правила за извршување на трансакциите“, го цитира агенцијата образложението на банката.По објавувањето на соопштението на банката, поддржувачите на интернет ресурсот кој го предизвика вниманието на целиот свет со објавувањето на 250-те илјади страници тајни дипломатски депеши на американската дипломатија за состојби и лидери од речиси сите држави, преку социјалната мрежа Твитер ги повикуваат истомислениците да протестираат затворајќи ги своите сметки во „Бенк од Америка“.„Можете ли да работите со „Бенк оф Америка“? Нашиот совет е – чувајте ги вашите пари на побезбедно место“, се вели во една од пораките на Твитер.Претходно, претставниците на Викиликс објавија дека на почетокот од следната година на интернет страницата ќе објават документи кои сведочат за „несовесни дејствија“ на една од најголемите американски банки – „Бенк од Америка“./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.