Свет
Папата Бенедикт XVI сними божиќна порака посебно за Велика Британија
Во божиќната порака наменета посебно за Велика Британија, а снимена за БиБиСи и емитувана денеска, папата Бенедикт XVI ги потсети верниците за значењето на Христовото раѓање и ова е прво негово обраќање специфично на една земја која ја посети годинава, пренесува агенцијата Хина.Папата се потсети на четиридневната посета на Англија и Шкотска во септември, кога и соопшти на Велика Британија и на сите Англичани на светот дека се дел од неговите молитви.„Бог е секогаш верен на своите ветувања, но често не изненадува со начинот на кој ги исполнува“, изјави Папата во пораката снимена во Ватикан. „Радосно ги објавуваме добрите вести на сите околу нас дека Бог ни дава слобода од се што ни пречи. Ни дава надеж, ни го дава животот“, рече Папата во пораката емитувана во емисијата „Мисла на денот“ за радиото 4.Бенедикт ја посети Англија за прв пат годинава иако посетата се одвиваше после скандалот со откровенијата за сексуалната злоупотреба на децата во католичките цркви ширум светот. Во прилог на односот Римската католичка црква и Англиската црква, Папата им понуди на Англичаните кои биле незадоволни од иновацијата како што е ракополагањето на жени, да влезат во католичка црква и притоа да си задржат некоја карактеристика на нивната црква.Дел од Англичаните критички ја примија божиќната порака на Папата, како што е примерот со Националното секуларно општество. „Можеби е успех за БиБиСИ, но тоа беше студен дожд за илјадници жртви на сексуалната злоупотреба извршени од свештените лица, а кои се уште чекаат правда“, пишува Националното секуларно општество./крај/хи/пк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.