Свет
Папата Бенедикт XVI одржа полноќна миса во Ватикан
Поглаварот на римокатоличката црква, папата Бенедикт XVI ги осуди доцна синоќа за време на божикната миса во базиликата Свети Петар, сите оние „кои сеат насилство и војна во светот“.
„Боже, ние сме благодарни за твојата добрина, но ти се молам уште еднаш да ја покажеш својата моќ и воспоставиш доминација на вистината, љубовта и мир во светот“ рече Бенедикт XVI.
Папата додаде дека „слабоста дека некој е мало дете, покажува пред претенциозните светски сили, сила својствена на Бог“. „Тоа мало дете ја донесе во луѓето светлината и добрината и им даде сила да можат да и се спротивстават на тиранијата“.
Римокатоличкиот поглавар се молеше за „вистинско братство и сили да се помогне на оние на кои им е најпотребно“.
Како и минатата година, полноќната миса се одржа порано околу 22.00 часот поради здравјето на 83-годишниот папа.
Папата денеска треба да одржи традиционална миса на денот Божик во која обично споменува различни конфликти од светот.
Повеќе од десетици илјади христијани , туристи и верници го слават Божик во Витлеем./крај/бе/пк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.