Свет
Самоубиствен терористички напад во Пакистан – 40 загинати
Пакистанската полиција потврди дека денешната експлозија на еден од пунктовите каде се делела храна за бегалци во северо-западниот дел на земјата, во која загинале повеќе до 40 лица, ја извршил бомбаш-самоубиец.Експлозијата се случила во градот Кар, административен центар на областа Баџаур на границата со Авганистан. Според извештаите на локалните медиуми, загинало 41 лице, а 62 лица биле повредени, додека во моментот на нападот околу пунктот за делење храна имало околу 1.100 луѓе.Според Ројтерс, кој се повикува на изјава од портпаролот на полицијата кој поседувал информации засега само од изјави на очевидци собрани на почетокот од истрагата, експлозивот бил ставен околу телото на напаѓачот, а дека тој меѓу толпата пред да се разнесе фрлил и неколку рачни гранати.„Прво имало две помали експлозии меѓу толпата во интервал од неколку секунди, при што се создала паника, по што следувала голема експлозија“, се цитира изјавата на локалниот жител Хусаин Ахмед.Баџаур е дел од ткн. племенски области во близина на границата со Авганистан. Во овој дел од земјата не владеат федералните закони на Пакистан, туку вистинската власт ја имаат племенските водачи и лидерите на клановите. Се верува дека овие тешко достапни планини коишто се протегаат по должината на границата со Авганистан, се прибежиште на илјадници исламисти поврзани со талибаните./крај/ро/нс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.