Свет
Хамас го предупреди Израел за новите операции во појасот Газа
Хамас планира да го продолжи прекинот на огнот со Израел, но ако израелската армија ги продолжи операциите во Газа, подготвен е да започне борбата, рече Абу Обејд, претставник на милитантите во палестинската енклава
„Бригадите на Изедин ал-Касам, военото крило на Хамас, ќе продолжат да го набљудуваат прекинот на огнот со Израел во појасот Газа, но се подготвени да ги обноват воените дејствија на нејзината територија“, изјави Абу Обејд.Вооружените судир меѓу исламистите на Хамас и израелската армија привремено се прекинати по воената операција во појасот Газа „Лиено олово“ од зимата 2008/2009 г., во која загинаа повеќе од 1.400 илјади Палестинци и 13 Израелци.Меѓутоа, тензиите во палестинските енклави и околните области во последниве неколку седмици видливо расте. Како што објавија локалните медиуми, исламистичкото движење Хамас коешто го контролира појасот Газа, не е во можност да ги контролира радикалните вооружени групикои продолжуваат со ракетирањето на граничната израелска територија.Од друга страна, израелските воздухопловни сили речиси секојдневно врши напади врз позициите на милитантите, вклучувајќи ги и оние на Хамас, како одговор на ракетните напади.„Во оваа фаза постои затишје, а ние ќе продолжиме да се придржуваме до него. Како и да е, сето тоа може да заврши ако ционистите решат да започнат нова агресија против појасот Газа. Ние се подготвуваме за тоа“, додал Обејд.Неодамна еден од лидерите на исламистите во појасот Газа, Махмуд Захар изјави дека неговата организација ќе се придржуваат кон примирјето со Израел, но доколку тој не го прекршува.Во саботата рано наутро израелските воздухопловни сили во ја нападнаа командната на Хамас во централниот дел на појасот Газа, соопшти официјланиот палестински медицински претставник Абу Адхам Селмија. Според него, воздушните напади биле црта и двата тунели на границата со Египет енклава коишто ги користат шверцерите. Притоа две лица биле повредени.Воздушен напад следеше откако две ракети истрелани од територијата на појасот Газа експлодираа во југо-западниот град Негев, при што не предизвикаа жртви или поголеми штети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.