Свет
Во Москва уапсени 12 поддржувачи на Ходорковски
Московската полиција во понеделник наутро уапсила 12 лица кои се собрале на неодобрен собир во знак на поддршка на Михаил Ходорковски пред Хамовническиот суд во центарот на руската престолнина, пренесуваат агенциите повикувајќи се на информации од московската полиција
„Полицијата уапси 12 лица во обид да одржи митинг за кој не побарале и не добиле одобрение. Сите притворени се однесени во полициска станица, каде што се спроведува нивно идентификување и истрага“, го цитира портпаролот на полицијата во Москва, РИА Новости.Тој истакна дека уапсените ќе бидат прекршочно казнети.Утринава во Хамовническиот суд на Москва, беа прогласени за виновни поранешниот сопственик и прв човек на рускиот нафтен гигант „ЈУКОС“, Михаил Ходорковски и поранешниот претседател на управниот одбор на компанијата „Менатеп“, Платон Лебедев.Тоа беше вториот случај против Ходорковски и Лебедев кои се обвинети за кражба на акциите на нафтените компании, кражба на нафта од 218 милиони тони во вредност од околу стотина милиони доалри од филијалите на „ЈУКОС“ и за перењето на парите од профитот од продажбата на горивото. Притоа судијата Виктор Даникин соопшти дека заради застареност е повлечено дел од обвинениет, но не прецизираше за кој дел станува збор. Исто така, се уште не е обајвен пресудата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.
Свет
Евакуација на две села во Русија поради поплави, стабилнo во Удмуртија
Во областа Абат во руската област Тјумен во тек е евакуација на жителите на две села поради поплави, ситуацијата во Удмуртија се стабилизира, а водостоите на реките во тој руски регион се намалуваат, соопштија официјални лица.
Жителите на селата Назарово и Јурга во областа Тјумен се евакуираат со бродови, пренесе „Интерфакс“.
Официјални лица соопштија дека нивото на водата во реката Лоза во руската Удмуртска Република, која поплави 120 станбени области во регионалниот центар Игра, се намали речиси 120 сантиметри.
Свет
Авион со 200 луѓе слета во Јапонија, по слетувањето, почна да чади
Јапонскиот државен радиодифузен сервис NHK објави дека се издигнал чад од авионот на All Nippon Airways, кој денеска слета на аеродромот „Шин Читозе“ во Јапонија.
Летот 71 полета од аеродромот „Ханеда“ во Токио со 200 луѓе. Нема извештаи за повредени.
NHK јавува дека чадот, кој се гледал од пределот на крилата по слетувањето, исчезнал кога моторот престанал да работи. Причината за чадот може да биде истекување нафта, според NHK. Индикаторот во пилотската кабина покажа губење на притисокот на маслото во системот што го контролира авионот.
Една од двете писти на аеродромот „Читосе“ беше затворена по инцидентот.
Во јануари, авион на „Јапонија ерлајнс“ и авион на крајбрежната стража се судрија на аеродромот „Ханеда“ и се запалија. Сите 379 патници и членови на екипажот на JAL се евакуирани, но загинаа пет члена од авионот на крајбрежната стража.