Свет
Војната против тероризмот извор на корупција
Војната на САД против тероризмот во Ирак и Авганистан стана симбол на злоупотреба и корупција, ова го покажуваат резултатите од истражувањето на американскиот весник Times
Корупција најмногу има во снабдувањето на американските сили со храна и воена опрема, кога се склучуваат договорите, вредни повеќе милијарди долари, меѓу американски официјални лица и локални добавувачи, наведува весникот. во моментов за злоупотреби во Ирак се водат повеќе од сто истраги, додека најмалку десет американски воени интенданти се осудени поради примање на мито од локални компании, пренесува BBC.Times дека „Војната против теророт донела скромни подобрувања во службите и инфраструктурата за милиони Авганистанци и Ирачани, но и огромни богатства за оние кои знаеле да ја искористат новонастанатата ситуација“.Воената економија, како што наведува весникот, е последица на хаотичниот и некоординираниот прилив на десетици милијарди долари секоја година во Авганистан. Весникот како пример ја посочува изградбата на патиштата и објектите кои ги добиваат западните компании, тие го собираат профитот, а изведувачките работи им ги доверуваат на локални изведувачи. Работата на тој начин оди во недоглед, а резултат на сето тоа е инфраструктура која се распаѓа за неколку месеци, истакнува Times.Ваквата ситуација кулминира кога големите логистички конвои за снабдување на американските воени бази, кои ги организираат западните компании, за нивна реализација ангажираат локални агенции за обезбедување. Во најголем дел тие агенции им плаќаат на талибанците да не ги напаѓаат конвоите, што значи дека западните даночни обврзници индиректно ги финансираат талибанците, заклучува американскиот весник.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Снимка од приведувањето на три лица во БиХ кои на Тикток објавија дека ја држат Данка
Тројца мажи кои синоќа беа уапсени од Федералната полициска управа (ФУП), а по наредба на српската полиција, синоќа се донесени во просториите на ФУП во Сараево на понатамошна обработка.
Федералната полициска управа на Босна и Херцеговина, врз основа на информации од Министерството за внатрешни работи на Република Србија, Управа за технологија, уапси три лица кои се сомничат дека преку социјалната мрежа Тикток објавиле дека се поврзани со исчезнување на девојчето Данка Илиќ.
Уапсени се Б.Т.(2002), М.Т.(2001) и З.Т.(1972). Полицијата извршила претрес и утврдила дека информациите што ги дале се лажни.
Во текот на ноќта тројката заедно со Хаџиќ се донесени во просториите на ФУП, каде потоа ќе бидат предадени на надлежниот обвинител за понатамошна постапка, а видеото од нивното приведување го објави Министерството за внатрешни работи на Србија.
Свет
Голем руски ракетен напад врз украинските централи, штетата е голема
Русија ги нападна термоцентралите и хидроцентралите во централна и западна Украина со проектили и беспилотни летала, во уште еден од серијата напади врз веќе оштетената енергетска инфраструктура, објави електроенергетскиот оператор „Укренерго“.
„Во масовен и комбиниран напад, руските сили повторно ги гаѓаа енергетските објекти во текот на ноќта“, објави Укренерго на Телеграм. Оштетени се термоцентралите и хидроцентралите во централниот и западниот регион“, додава операторот.
Според локалните власти и министерот за енергетика Герман Гелушенко, нападнати биле енергетските објекти во областа Камиаске во близина на градот Днепро и енергетската инфраструктура во регионите Дњепропетровск, Полтава и Черкаси.
„Објектите за производство на електрична енергија беа нападнати со беспилотни летала и проектили“, рече Гелушенко.
Најголемата приватна енергетска компанија ДТЕК потврди дека биле нападнати три нејзини термоцентрали. Дистрибутерот на електрична енергија оваа недела објави дека ДТЕК изгубил околу половина од својот производствен капацитет.
Украинската армија објави дека соборила 58 од 60 лансирани руски беспилотни летала и 26 од 39 проектили.
Регион
Два силни земјотреси го погодија југот на Грција
Земјотреси со јачина од 5,7 и 4,3 степени според Рихтеровата скала утрово го погодија југот на Грција, соопшти Геодинамичкиот институт во Атина.
Земјотрес со јачина од 5,7 степени се случи во 9 часот и 12 минути на подрачјето на Јонското Море, а минута претходно е регистриран земјотрес со јачина од 4,3 степени, пренесува Катимерини.
Двата земјотреси беа почувствувани во многу региони на Грција, вклучувајќи ја и Атика. Професорот по динамичка тектоника и применета геологија Ефтимис Лекас на платформата Х напиша дека нема повредени и дека не е причинета штета, додека директорот на Геодинамичкиот институт Атанасиос Ганас рече дека причината што не е причинета материјална штета е тоа што зградите во областа се изградени според строги антисеизмички прописи.
Ганас изјави дека земјотресот со јачина од 5,7 степени според Рихтеровата скала бил на длабочина од 20 километри, во централното Јонско Море, на допир на евроазиската и африканската плоча. Жителите од погодените подрачја велат дека противпожарните патроли ги утврдуваат сите проблеми предизвикани од земјотресите.