Свет
Одбраната на Ходорковски и Лебедев ја обжали пресудата
Одбраната на поранешниот прв човек на рускиот нафтен гигант „Јукос“ Михаил Ходорковски и поранешниот директор на компанијата „Менатеп“ Платон Лебедев, поднесе жалба против пресудата со која двајцата вчера беа осудени на 14 години затвор за кражба на нафта и перење пари. Жалбата до Руската агенција за правни судски информации (РАПСИ) утринава ја поднела адвокатката на Михаил Ходорковски, Карина Москаленко. Така, според рускиот правосуден систем, пресудата што ја изрече Хамовническиот суд на Москва не може да стане правосилна. Москаленко појаснила дека во судот е подадена куса верзија на жалбата, бидејќи одбраната сакала да се задржи во рамките на определените десет дена од законот за жалба.„Во кусата жалба ние го изразивме несогласувањето со пресудата со којашто клиентите се прогласени за виновни и бараме од Градскиот суд на Москва да се запре кривичниот случај против Ходорковски и Лебедев. Целосната жалба, со сите наши аргументи и образложенија за укинување на пресудата, ќе ја вложиме кога ќе ја добиеме копијата од пресудата, како и записниците од судските рочишта, како и повеќе документи коишто треба да ги обезбедиме“, додала адвокатката Москаленко.Хамовничкиот суд во Москва вчера го осуди поранешниот прв човек на нафтената индустрија „Јукос“, Михаил Ходорковски и неговиот деловен партнер тогашен раководител на компанијата „Менатеп“, Платон Лебедев на казна од 14 години во казнена колонија за кражба на нафта и прикривање на приходите. По првото дело во 2004 г. тие беа осудени на осум години затвор. Сега, Ходорковски и Лебедев ќе може на слобода да излезат најрано во 2017 година.Оваа пресуда на московскиот обласен суд укажува на политички мотивирани судски процеси во Русија и на сериозни проблеми во рускиот правосуден систем, се вели во соопштението на меѓународната организација за човекови права Хјуман рајтс воч.Синоќа по изрекувањето на пресудата остри осуди до властите во Москва изразија и лидерите на голем број, пред се, западни земји, како САД, ЕУ, Германија, Велика Британија. /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.