Свет
Како светот ја дочека Новата 2011. година
Пристигањето на Новата 2011. година свечено е одбележано ширум светот.
Новозеланѓаните и јужните пацифички острови први ја дочекаа Новата година, а во Њујорк, само неколку дена по хаосот што го направи снежното невреме, милион луѓе се собраа на Тајмс сквер за да го гледаат традиционалното полноќно спуштање на кристалната топка, јавува агенцијата Асошиејтед прес.
Во Европа Грците, Ирците, Шпанците и Португалците се веселеа до зори, обидувајќи се така барем за кратко да заборават на егзистенцијалните грижи, кои се појавија откако овие земји беа погодени од голема економска криза.
На Нов Зеланд беше приреден величествен огномет во главниот град Оукленд, а во градот Крајстчрч, населението не се вознемирило премногу од слабиот земјотрес кој бил почувствуван два часа по полноќ.
Во Сиднеј, Австралија, 1,5 милиони луѓе се собраа да го гледаат огнометот над пристаништето, а стотици илјади гледаа слична глетка над пристаништето Викторија во Хонг Конг.
Во Ханој, главниот град на Виетнам, првпат беше воведен дочек на Новата година со одбројување во западен стил, а околу 55.000 луѓе се веселеа пред градската опера со техно музика, што ја пуштаа диџеи од цел свет. Виетнамците традиционално ја слават Тет-лунарната Нова година која почнува на 3. февруари, но силното западно влијание последните години се вовлече меѓу младите кои не се сеќаваат на војните и сиромаштијата, пишува АП.
Во храмот Зоѓоѓи во Токио, Новата година е дочекана со пуштање на сребрени балони со пораки и ѕвонење на џиновскиот гонг, тежок 15 тони. Слично се забавуваа и 80.000 луѓе низ улиците на Сеул, главниот град на Јужна Кореја, а во Северна Кореја Новата година е дочекана со желби двете земји да ги подобрат односите.
Во Дубаи највисоката кула на светот беше буквално окупирана од огномет, што траеше 10 минути.
Повеќе од два милиони жители на Рио Де Женеиро направи журка на плажата Копакабана, со 20 минутен огномет и звуци на самбата.
Во Франција, повеќе од 53.000 полицајци беа на улиците поради претпазливост од терористички напади, а младите палеа возила низ градските улици.
Во Лондон се собраа половина милион луѓе, а во Шкотска каде што се прославува четиридневниот празник Хогманај, 25.000 луѓе учествуваа традиционалното спалување на моделот на викингшки брод. /крај/бл/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН, наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот, нарекувајќи го „нефер, неетички и неоправдан“.
Кабинетот на претседателот на палестинската управа Махмуд Абас го нарече американското вето „еклатантна агресија … туркање на регионот преку работ“.
Израелскиот министер за надворешни работи Израел Кац го пофали американското вето, додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: Нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024