Свет
Италија ќе се жали во Хаг ако Бразил не го испорача Батисти
Италија има намера да се жали пред Меѓународниот суд на правдата во Хаг поради одлуката на екс-бразилскиот претседател да Силва да не им го предаде Чезаре Батисти, кој беше осуден во татковината на доживотен затвор, изјави шефот на италијанската дипломатија, Франко Фратини.
Во петокот беше објавено дека на последниот ден од својот мандат сега веќе поранешниот бразилски претседател Луиш Инасио Лула да Силва, одби да го потпише указот што го бараше Италија и да го екстрадира Чезаре Батисти кој е поранешен припадник на италијанските лево-ориентирани екстремистички организации.
Врховниот суд на Бразил, во ноември 2009. година донесе одлука со која беше прогласено за нелегално давањето политички азил во Бразил на Батисти. Сепак, последниот збор за прашањето за екстрадиција останува според законите кај бразилскиот претседател.
„Ние ќе поднесеме жалба до италијанскиот Врховен суд да ја преиспита одлуката на Лула да Силва. Незамисливо е да се крши билатерален договор, оправдувајќи го тоа дека со враќањето на Батисти во Италија ќе биле прекршени неговите човекови права или дури дека ќе му бил загрозен животот“, изјавил италијанскиот министер за надворешни работи Франко Фратини, во денешното интервју за „Кориере дела сера“ (Corriere della sera).
Тој додал дека Италија е подготвена да ги преземе сите посериозни чекори во оваа насока.
„Планираме да го предадеме случајот пред Меѓународниот суд на правдата во Хаг… Одбивањето на екстрадицијата е тежок преседан кој може да влијае врз многу случаи на бегалци пред правдата“, рекол Фратини.
Според Фратини, откажувањето на Лула да Силва да го екстрадира Батисти ги разочарало многубројните припадници на италијанската заедница во Бразил, и тие очекуваат оваа неправда да ја поправи новата претседателка Дилма Русеф која вчера положи заклетва. Ова очекување, според италијанскиот министер, се темелат врз тоа што Русеф претходно позитивно се изјаснила во полза на екстрадицијата на Батисти.
Чезаре Батисти беше еден од водачите на левата екстремистичка организација Вооружени пролетери – за комунизам. Тој во март 2007. година беше уапсен во еден хотел во Рио де Жанеиро и оттогаш е во екстрадиционен притвор. Оттогаш Италија ја бара негова екстрадиција во татковината каде бил осуден на доживотен затвор за четири убиства извршени при крајот на 1970-тите. Батисти тврди дека е невин и негира вмешаност во овие злосторства.
Во јануари 2009. година, по интервенцијата на првата дама на Франција Карла Бруни, бразилската влада на Батисти му додели статус на бегалец, што беше причина за напнатост во односите меѓу Бразил и Италија. /крај/анса/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.
Свет
(Видео) Пратеник во ЕУ пушти гулаб во знак на мир
Словачки пратеник во Европскиот парламент денеска привлече внимание со пуштање жива птица од говорницата по својот говор. Како што рече, тоа го направил во знак на мир во светот.
На збунетост и изненадување на присутните претставници во Стразбур, Мирослав Радачовски, лидер на десничарската партија Словачки патриот, посегна во чантата што ја имаше под јакната и го пушти гулабот да одлета во собраниската сала.
Тој рече дека „сака мир за целиот свет, за Русите и Украинците“.
„Би сакал да го ослободам овој гулаб како симбол на мирот, да симболизирам дека на Европа ѝ треба мир. Да оставиме овој гулаб да нѐ обедини сите“, рече Радачовски.
Сепак, иако сакаше да ги обедини присутните, некои ги згрози.
Каролин Руз, француска пратеничка во Европскиот парламент од редовите на зелените, го критикува велејќи дека користел живо животно за да даде политичко мислење, што е спротивно на правилата на парламентот.
„Тој употреби животно, скриено во неговата торба како едноставен предмет, само за да даде изјава за мир денес. Што ќе направите за да го вратите ова животно, господине? Каде е благосостојбата на животните во гестот на овој говорник? Сметам дека ова е апсолутно неприфатливо“, рече Руз.
Додека птицата леташе во салата, друг колега го праша Радачовски: „Можеш ли да ја фатиш“.
Јан-Кристоф Отјен, заменик-претседател на парламентот, рече дека инцидентот ќе биде пријавен кај претседателот на домот, додавајќи: „Се надеваме дека животното ќе биде добро“.