Свет
Нови судир во Александрија меѓу христијаните и полицијата
Судири меѓу христијански Копти и полициските сили накратко ибувнаа во египетскиот град Александрија, каде што во новогодишната ноќ беше изведен терористички напад во кој беа убиени 21 чове, јавува порталот на дневниот весник Ал-Ахрам
Стотици христијани се собрале во неделата навечер пред христијанската болница на улицата на која се наоѓа и црквата која беше цел на нападот од ноќта на 1-ви јануари. Претежно млади лица целосно ја блокирале од улица, ги запалиле контејнерите за смет и ги кршеле прозорците од паркирани автомобили и излозите на блиските продавници. Полицијата била принудена да ги растера демонстрантите со употреба на солзавец, а тие врз нејзините припадници фрлале камења и шишиња.Во безредијата се уапсени десетици христијани, пишува интернет страницата на египетскиот дневен весник.Во неделата илјадници египетски христијани излегоа и на улиците на главниот град на Египет, Каиро за да искажат солидарност со жртвите и роднините на оние што загинаа во експлозија во Александрија. Протсестот на кој учествувале главно млади луѓе бил претежно мирен, со мали спореадични конфликти меѓу демонстрантите и полицијата. Египетското министерство за внатрешни работи соопшти дека полицијата се обидела да ги опколи демонстрантите за да се спречи меѓу нив да се инфилтрираат провокатори.Силна експлозија одекна 30 минути по полноќ во новогодишната ноќ во црквата „Сите Свети“ во вториот по големина град на Египет, Александрија, при што загинаа 21 човек а околу стотина се ранети.Веднаш по експлозијата, египетските експерти за борба против троризмот и официјални политички претставници укажаа на голема веројатност дека зад терористичка акција стојат „странските сили“. Овие податоци ги потврди и министерството за внатрешни работи на Египет.Претходно, милитантна група блиска на меѓународната терористичка мрежа Ал Каеда им испрати закани на египетски христијани. По овие закани, египетските власти ја зголемија безбедноста околу црквите и другите свети објекти во Александрија, Каиро и во други градови.Десетици земји го осудија терористичкиот напад во Александрија, како и лидерите на палестинските движење. Египетсктие власти ги повикаа граѓаните да го сочуваат мирот и да спречат какви и да се конфликти на верска основа.Христијаните од коптската православна црква сочинуваат околу десет отсто од 80-милионското претежно муслиманско население на Египет. Коптски православна црква која е најзначајната христијанска заедница на Блискиот исток, според легендата, била основана во 63-та година од нашата ера од апостолот Марко. Христијаните и муслиманите живеат заедно во мир во Египет со векови, но одвреме-навреме во различни делови на земјите доаѓа до конфликти меѓу двете заедници. Најчеста причина за инцидентите се спорови околу земјиштето или конфликти меѓу семејства.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.