Свет
Штетите од поплавите во Австралија достигнаа „катастрофални “ размери
Рекордните поплави во Австралија предизвикаа катастрофални штети на инфраструктурата во државата Квинсленд и присилија 75 проценти од рудниците за јаглен во државата, кои се главниот двигател на челичарниците на потконтинентот, да престанат со работа, соопшти денеска премиерот на Квинсленд, Ана Блај, пренесува РојтерсНајлошите поплави во последниве неколку децении погодија област со големина на Германија и Франција, со што гратчињата се претворија во виртуелни острови во морето од кал, уништени посеви, прекинати главни железнички и патни мрежи кои водат до пристаништата за утовар на јагленот, уништен извоз и драстично покачени цени на јагленот на глобално ниво. „Седумдесет и пет проценти од нашите рудници за јаглен во моментов не се оперативни поради поплавите. Тоа има огромно влијание врз меѓународните пазари и меѓународното производство на челик“, изјави Блај за локалните медиуми и додаде дека Квинсленд е огромна држава која се потпира на својот транспортен систем, кој од поплавите на места е доведен во катастрофална состојба. Оваа држава е најголем производител во светот на јаглен кој се користи во челичната индустрија . Поплавите во Австралија, кои отсекоа 22 града и засегнаа преку 200.000 луѓе, произлегоа од метеоролошкиот феномен „Ла Ниња“, кои предизвикува монсунски дождови во западниот дел на Пацификот и во југоисточна Азија. Според австралиското метеоролошко биро, се очекува „Ла Ниња“, која годинава ги предизвика третите по големина поплави во Австралија откако се вршат мерења, да трае уште три месеци. Жителите на поплавените градови се обидуваат со бариери од вреќи со песок да ги сопрат растечките води, кои досега ја ослабеа австралиската економија за цели 0,4 проценти. Во Рокхамптон, сточарски град со 75.000 жители, покачување на водата од само 20 сантиметри ќе доведе до целосно поплавување на уште 400 домови, а ќе загрози додатни 4.000 имоти. Досега во поплавите загинаа тројца луѓе. Властите ги предупредуваат локалните жители да се држат подалеку од надојдените води не само поради ризикот од давење, туку и поради тоа што водите ги носат крокодилите и змиите право во нивните домови. /крај/ројтерс/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.
Регион
„Клучот е кај родителите, тие мора да одговорат на едно прашање“, вели поранешен шеф на белградската полиција за случајот со исчезнувањето на Данка
Родителите се тие што имаат многу да објаснат. Прво, зошто чекаа да го пријават исчезнувањето? Колку што знам, чекаа два часа. Познато е дека кога ќе исчезне дете, веднаш се пријавува за да се реагира бргу, изјави Марко Ницовиќ, поранешен началник на белградската полиција, за „Телеграф.рс“.
Според Ницовиќ, полицијата оди во добра насока бидејќи ја проверува секоја педа од земјата, но се надеваат и дека темелно се проверуваат граничните премини бидејќи не ја исклучуваат можноста за киднапирање.
„Би можело да биде сè, не е исклучена никаква можност. Ако мајката рече дека го оставила девојчето на минута, го поставуваме прашањето каде би можело да оди двегодишното дете? Колку далеку, без мајка му да го најде? Второ, зошто чекаа два часа? Има простор и за киднапирање, а знаеме дека границата е блиску, но и за многу повеќе. Отворени се многу прашања и останува да се почека истражните органи да си ја завршат работата“, вели Ницовиќ за српски „Телеграф“.
Да потсетиме, потрагата по двегодишната Данка Илиќ влезе во четвртиот ден. Во потрагата од утрово се вклучени уште 18 пожарникари и кучето Зиги.
Багери вчера цел ден копаа и вадеа ѓубре и шут од куќата, а пред куќата каде што последен пат беше видена исчезнатата Данка по која трага цела Србија, пристигна тешка механизација, која ќе продолжи да работи денес за да се расчисти теренот.