Свет
Шаман предвиде пад на популарноста на Обама
Главниот шаман на Мексико, Антонио Васкез Алба, предвиде дека во 2011 г. популарноста на американскиот претседател Барак Обама ќе падне и тој нема да биде реизбран.„Оваа година ќе биде страшна, врз Обама ќе биде извршен притисок, како од внатрешната ситуација во земјата, така и од состојбите во светот. Републиканците ќе ги блокираат иницијативите на американскиот претседател. Претстојната кампања за неговиот реизбор ќе биде тешка, а повеќето влијателни политичари и претставниците на бизнисот ќе бидат против неговиот втор мандат“, изјавил Антонио Васкез Алба на прес-конференција во мексиканскиот главен град.Економскиот раст на Кина ќе продолжи со забрзано темпо, но во 2011 г. оваа земја ќе биде погодена од силни земјотреси и урагани, предвидува водечкиот шаман (локален волшебник поклоник на древните верувања и мистични ритуали) на Мексико.Според неговото предвидување, основачот на фамозната интернет страница Wikileaks, Џулиан Асанж во 2011-та го очекува завршување на прогонот од страна на САД и на другите негови непријатели во светот. Како што „велел“ Алба, тоа ќе се оствари по договорот со кој Асанж ќе престане со објавување на доверливите информации во замена за слобода и економски придобивки.Мексико, според негово мислење, во 2011 г., повторно го очекува зголемување на криминалот и корупцијата.Алба на почетокот од секоја година, на прес-конференција за медиумите дава предвидувања за тоа што ќе се случува наредната година.На многу начини, неговите предвидувања станале вистинити. На пример, тој не згреши кога предвиде дека мексиканскиот претседател Фелипе Калдерон ќе објави тотална војна против организираниот криминал и трговијата со дрога во којашто ќе има многу жртви. Во текот на четирите години на претседателствувањето на Калдерон, досега во војните на нарко картелите меѓу себе и со безбедносните сили, убиени се повеќе од 30 илјади Мексиканци./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН, наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот, нарекувајќи го „нефер, неетички и неоправдан“.
Кабинетот на претседателот на палестинската управа Махмуд Абас го нарече американското вето „еклатантна агресија … туркање на регионот преку работ“.
Израелскиот министер за надворешни работи Израел Кац го пофали американското вето, додавајќи: „Срамниот предлог беше отфрлен. Тероризмот нема да биде награден“.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: Нема штета на иранските нуклеарни постројки
Нема штета на иранските нуклеарни постројки, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024