Свет
WikiLeaks не може да издржи финансиски
Фамозната интернет страница WikiLeaks, специјализиран за објавување тајни документи, поради финансиски проблеми нема да може да преживее доколку работите продолжат вака да се одвиваат, изјави денеска основачот Џулијан Асанж
„Парите од донаторите со проблеми стигаат до нас затоа што сите сметки се блокирани. Проценувам дека губиме по 500 илјади евра неделно“, рече Џулиан Асанж во интервјуто за француското радио Europe 1, притоа додавајќи дека ќе се „обидат да возвратат“.Асанж во Британија ја чека одлуката на англискиот суд за барањето на Шведска за неговата екстрадиција во оваа земја, каде го бараат за наводно силување и сексуално вознемирување, пренесува агенцијата France Press.Интеренет ресурсот WikiLeaks многу зависи од американските интернет и финансиски компании при собирањето средства. Дел од овие компании одбија да му дозволат на WikiLeaks користење на нивните сервери.Bank of America, соочена со заканите од објавување инкриминирачки материјали на WikiLeaks кои сведочат за корумпираноста на една од најголемите комерцијални американските банки, формираше комисија која се обидува да дознае од каде би можеле да протекуваат информациите.Во средината на декември минатата година, Bank of America соопшти дека одбива да ги сервисира плаќањата и записите кои се однесуваат на Wikileaks. Претходно во декември, пак, трансакциите со донациите за итнерент страницата престанаа да ги сервисираат и MasterCard, PayPal и Visa, објаснувајќи ја својата одлука со сомневањата за вмешаноста на Wikileaks во нелегални активности. Покрај тоа, швајцарските власти ја затворија и една од банкарските сметки кои му припаѓаат на тогаш уапсениот а подоцна ослободен со кауција во Британија Асанж.Скандалот околу Wikileaks изби по почнувањето на објавувањето на документи од тајната комуникација меѓу американскиот Стејт департмент и американските дипломати низ светот, во кои се споменуваат многу невкусни забелешки за политиките на одредени држави и за светските лидери. Како што е наведено на интернет страницата, компилацијата од повеќе од 250 илјади датотеки, кои се официјални документи на САД, претставува најголемата колекција доверливи документи коишто некогаш се појавени во јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.