Свет
Без договор завршија преговорите во Истанбул
Во саботата во Истанбул завршија без договор дводневните разговори на претставниците на шесте меѓународни посредници (САД, Русија, Кина, Франција, Велика Британија и Германија) со Иран за решавање на иранското нуклеарно прашање, објавија светските агенции повикувајќи се на дипломатски извори
Резултатот од преговорите, прво во текот на денот ќе ги сумира Високиот претставник на Европската унија за надворешна и безбедносна политика, Катрин Ештон, а потоа и шефот на иранската делегација, секретарот на Врховниот совет за национална безбедност Саид Џалили, соопшти турското министерство за надворешни работи. Шесте светски сили се разочарани од однесувањето на Иран на преговорите за нуклеарната енергија и од тоа што преговорите завршија бе договор, бидејќи иранските услови биле неприфатливи, изјави набргу потоа Ештон.На прес-конференцијата за новинарите по завршувањето на дводневните разговори Ештон изјави дека засега нема планови за натамошните сотаноци, но дека вратите за Иран остануваат отворени. „Тој процес може да напредува ако Иран реши позитивно да реагира. Ние сега чекаме да слушнеме дали Иран ќе реагира по размислувањето“, изјавила Високата претставничка за надворешна и безбедносна политика на ЕУ, Кетрин Ештон.Спроед Ештон, разговорите се блокирале кога иранската страна инсистирала на тоа да се укинат санкциите наметнати од Советот за безбедност на Обединетите нации кои беа воведени бидејќи Техеран не сакаше да го запре збогатувањето на ураниумот. Техеран од шесте учеснички на разговорите барал да му го признаат правото на збогатување на ураниумот, што како што рекла Ешто, не било прифатливо.Иранскиот претставник Аболфази Зохреванд, како помошник на главниот ирански преговарач Саид Џалили, рекол дека преговорите ќе продолжат, иако се’ уште нема одредено ни место ни датум за нивно одржување.„Преговори ќе има, но се’ уште не решивме ни каде ни кога’, рекол Зохреванд. Ситуацијата околу иранската нуклеарна програма ескалираапе по 11 февруари 2010 г., кога иранскиот претседател Махмуд Ахмадинеџад изјави дека Техеран го произведе првото количество збогатен ураниум до 20 отсто и дека има потенцијал да произведе збогатен ураниум со повисок степен на збогатеност. Тој исто така најави планови за тројно зголемување на производството на збогатен ураниум. Шесте држави во 2003 г., заедно со Меѓународната агенција за атомска енергија (ИАЕА) побараа од Иран да го суспендира збогатувањето на ураниумот, што може да претставува закана за договорот за нераспространувањето на нуклеарно оружје. Разговорите беа прекинати во 2009 г., кога на Одборот на гувернери на ИАЕА го осуди Иран за изградба на втората фабрика за збогатување на ураниум и го повика Техеран да докаже дека не донесол одлуки за изградба на други нуклеарни објекти, кои не се приајвени и проверени од Агенцијата. САД и другите западни земји го обвинуваат Иран дека развива нуклеарно оружје под маската на цивилна програма за нуклеарна енергија. Техеран ги негира обвиненијата, велејќи дека неговата нуклеарна програма е насочена кон задоволувањето на потребите од електрична енергија на земјат, како и за медицински цели. .
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.
Европа
Генералниот секретар на НАТО и вети на Украина дополнителни системи за воздушна одбрана
Сојузниците на НАТО се согласија да обезбедат дополнителни системи за противвоздушна одбрана во Киев, изјави шефот на НАТО Јенс Столтенберг по специјалната средба на министрите за одбрана на сојузниците со украинскиот претседател Володимир Зеленски.
„Покрај „Патриот“, има и други оружја што сојузниците можат да ги обезбедат, вклучувајќи го и SAMP/T (францускиот систем), а многу други кои немаат достапни системи ветија дека ќе обезбедат финансиска поддршка за нивните набавки за Украина“, изјави Столтенберг за новинарите во Брисел.
Зеленски го побара состанокот бидејќи неговата земја се соочува со недостиг на муниција и задржување на клучните американски финансирања, што со месеци е блокирано од републиканците во Конгресот, додека ЕУ не успева да испорача муниција навреме.
Тој во петокот им рече на членките на НАТО дека на Украина и се потребни најмалку седум системи за воздушна одбрана „Патриот“ или други напредни системи за воздушна одбрана за да се спротивстави на руските воздушни напади, повикувајќи ги да ја засилат воената помош за Киев.
Во емотивниот говор преку видео врска, украинскиот лидер го опиша сегашното ниво на странска помош како „многу ограничено“ и рече дека Израел не бил оставен на себе за време на масовниот ирански воздушен напад во саботата.
„(Рускиот претседател Владимир) Путин мора да биде симнат на земјата, а нашето небо мора повторно да стане безбедно… И тоа целосно зависи од вашиот избор… (од) изборот дали сме навистина сојузници“, рече Зеленски во неговиот говор.
Свет
Си-ен-ен: Сателитските снимки покажуваат дека во Исфахан нема поголеми штети
Според сателитските снимки од вселената до кои ексклузивно дојде Си-ен-ен, се чини дека нема поголема штета во воздушната база која наводно била цел на израелскиот напад во Исфахан.
Сателитски снимки се направени околу 10:18 часот по локално време. Се чини дека нема големи кратери во земјата и нема видливи уништени згради. Меѓутоа, за да се знае со сигурност дали има некаква штета, ќе бидат потребни дополнителни визуелни сателитски снимки, пишува Си-ен-ен.
Сликите не се како обичните сателитски снимки бидејќи се создадени од сателит кој испраќа радарски зраци кои можат да поминат низ облаците, како оние што моментално ги спречуваат сателитите да ја сликаат областа. Овие радарски зраци се одбиваат од објектите на земјата и се враќаат назад кон сателитот.
Иранската новинска агенција ФАРС објави дека една од можните цели бил воен радар во воена база во провинцијата Исфахан, а единствената штета од нападот се скршени прозорци во неколку деловни згради.
Сликите исто така покажуваат дека иранските F-14 Tomcats кои во минатото беа стационирани во воздухопловната база во моментов ги нема. Дополнителни архивски сателитски снимки прегледани од Си-ен-ен покажуваат дека тие F-14 Tomcats не биле таму некое време.