Свет
Најмалку 32 повредени во судир на полиција и демонстранти во Алжир
Мала група поддржувачи на алжирската опозиција се судри денеска со полицијата, во обидот да го одржат протестот кој не беше дозволен од властите, при што се повредени 32 лица, пренесува Reuters
Протестот беше закажан на само една недела откако бранот демонстрации во соседен Тунис го симна од власт авторитарниот претседател на Тунис и го потресе целиот арапски свет.Лидерот на партијата RCD, Саид Саади, која е најголема опозициска партија во алжирскиот парламент, за новинарите изјави дека тој и уште неколкумина партиски функционери биле опкружени од специјални полициски единици веднаш штом се обиделе да излезат од штабот на партијата за да им се придружат на демонстрантите.„Имаме 32 повредени, вклучувајќи и еден член на парламентот. Бевме спречени да протестираме од огромните полициски сили: преку 1.500 полицајци беа распоредени на улиците на Алжир“, изјавил телефонски за Reuters, Саади. Официјалната новинска агенција на Алжир, АPS, цитираше извори во полицијата, кои рекле дека повеќе луѓе се уапсени, а биле повредени и седуммина полицајци, двајца од нив потешко. Според дописникот на Reuters, пак, на местото каде што требало да започнат протестите се појавиле само околу 15 луѓе. Сепак, стотици полицајци во полна опрема биле распоредни на местото, вклучително и полициски хеликоптери. Опозицијата во Алжир, која е голем извозник на енергенси, тврди дека владата не ги инвестира приходите од извозот на енергенси за да им го подобри животот на луѓето, дека воведува рестрикции за политичките партии и дека армијата е премногу моќна. Поранешната француска колонија, која ја снабдува Европа со околу 20 проценти од нејзините потреби за природен гас, се уште заздравува од конфликтот меѓу силите за безбедност и исламистичките милитанти, кој траеше повеќе од една деценија и во кој загинаа околу 200 илјади луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.