Свет
Масовни демонстрации на опозицијата во Бангкок
Уште еден масовен митинг на опозицискиот Обединет фронт за демократија против диктаторство (OFDD), ткн. „црвени кошули“, се одржа во тајландскиот главен град Бангкок, пренесуваат во неделата тајландските медиуми. Демонстрантите се собрале во долга колона во 13.30 по локално време на плоштадот Ратчапрасонг во деловниот кварт од Бангкок, предизвикувајќи блокирање на сообраќајот, пренесуваат светските агенции.Демонстрациите започнаа во областа во којашто минатата пролет беа подигнати голем број барикади кои на 19-ти мај владините трупи. Раководството на OFDD успеа да ги убеди трговците во областа Ратчапрасонг да не ги затвораат дуќаните и угостителските објекти ветувајќи дека без немири ќе ја напуштат областа/Една група се одделила и протестирала во старото историско јадро на Бангкок, каде им оддала почит на загинатите во минатогодишните протести.Судејќи според извештаите на локалните медиуми, овие демонстрации биле многу слични на „Маршот на демократијата“ што го одржаа „црвени кошули“ по улиците на Бангкок, пролетта на 2010 година. На чело на колоните биле украсени со црвени знамиња камиони, од чии приколки со силни разгласи биле емитувани изјавите на опозициските лидери и традиционална музика. Извор од тајландската полиција дека само кај Споменикот на демократијата биел собрани околу десет илјади луѓе.„Очекуваме дека до шест часот навечер ќе се соберат до 30 илјади демонстранти“, изјавил соговорник на AFP од безбедносните сили. Тој додал дека за одржување на редот и мирот во Бангкок биле ангажирани повеќе од седум илјади полицајци. Се очекува кулминација на протестите да биде видео обраќањето на поранешниот премиер и инспиратор на тајландски опозицијата, Таксин Шинаватра. Претходно на демонстрантите ќе им се обрати Чутупхон Промпха кој заради пратеничкиот имунитет остана на слобода по протестите ланската пролет а ја предводи опозициската „Пхиа Тхаи“ (За Тајалнд).Интернет изданието на Bangkok Post пренесе дека Промпхан изјавил дека демонстрациите во стариот дел од градот ќе завршат во недела навечер околу полноќ. /крај/ро/афп/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Авион со 200 луѓе слета во Јапонија, по слетувањето, почна да чади
Јапонскиот државен радиодифузен сервис NHK објави дека се издигнал чад од авионот на All Nippon Airways, кој денеска слета на аеродромот „Шин Читозе“ во Јапонија.
Летот 71 полета од аеродромот „Ханеда“ во Токио со 200 луѓе. Нема извештаи за повредени.
NHK јавува дека чадот, кој се гледал од пределот на крилата по слетувањето, исчезнал кога моторот престанал да работи. Причината за чадот може да биде истекување нафта, според NHK. Индикаторот во пилотската кабина покажа губење на притисокот на маслото во системот што го контролира авионот.
Една од двете писти на аеродромот „Читосе“ беше затворена по инцидентот.
Во јануари, авион на „Јапонија ерлајнс“ и авион на крајбрежната стража се судрија на аеродромот „Ханеда“ и се запалија. Сите 379 патници и членови на екипажот на JAL се евакуирани, но загинаа пет члена од авионот на крајбрежната стража.
Свет
Путин: Сите вмешани во терористичкиот напад во „Крокус сити хол“ кај Москва мора да бидат казнети
Сите поттикнувачи, спонзори и организатори на терористичкиот напад на концертната сала „Крокус“, во предградието на Москва, мора да бидат идентификувани и казнети, изјави рускиот претседател, Владимир Путин.
„Руските разузнавачки и агенциите за спроведување на законот го истражуваат и испитуваат секој детаљ од овој грозоморен терористички чин во ‘Крокус’ идентификувајќи ги сите инволвирани страни, вклучително и поттикнувачите, спонзорите и организаторите. Никој од нив не смее да избега од праведна казна“, нагласи Путин.
Зад терористичките напади во разни делови на светот стојат и радикални групи и разузнавачки служби на одделни земји, рече рускиот лидер, пренесен од руските медиуми.
„Несомнено, меѓународниот тероризам останува една од најголемите закани на 21 век“, истакна Путин.
.
Регион
Милорад Додик: Република Српска е под постојани санкции предводени од САД
Република Српска е под постојани санкции предводени од САД, изјави на Меѓународниот состанок на високите претставници задолжени за безбедносни прашања во Санкт Петербург, претседателот на Српска Милорад Додик.
Во својот говор Додик укажа на глобалниот проблем поради политички мотивирани санкции.
„Република Српска е директно изложена на овој вид ризик и е под постојани санкции предводени од САД. Ние правиме се што можеме за да ја заштитиме “, рече Додик, кој беше првиот што зборуваше на Состанокот за безбедност како дел од првата пленарна сесија „Обезбедување информациска безбедност во услови на формирање на полицентричен светски поредок: предизвици и можности“.