Свет
САД и Ки-Мун го критикуваа експертот за човекови права на ОН
Експертот за човекови права на палестинските територии кој сугерираше дека имало забошотување на информациите за нападите до 11-ти септември 2001 г. треба да биде отпуштен
Ова во вторникот го изјави американската амбасадорка при Обединетите нации, Сузан Рајс. Претходно, во текот на денот Генералниот секретар на Обединетите нации (ОН) Бан Ки Мун го критикуваше Ричард Фалк, Специјален известувач за човекови права на окупираната палестинска територија поради неговите коментари дека е „апсурден“ извештајот за нападот на 11-ти септември 2001 г. на САД.Американскиот академик Фалк на својот блог во текот на јануари напишал дека имало „очигледно забошотување“ од страна на американските власти во врска со терористичките напади кога терористите со киднапирани авиони се урнаа во двете Кули близначки на светскиот трговски центар во Њујор, во зградата на Пентагон кај главниот град на САД Вашинготн и уште еден беше соборен, при што загинаа повеќе од три илјади луѓе. „Од мое гледиште, коментарот на Фалк е толку штетен што конечно треба да стане јасно дека тој повеќе не би требало да продолжи со ангажманот на неговата функција во Обединетите нации“, изјави Рајс оценувајќи дека коментарите на Фалк се ниски и длабоко навредливи. Фалк на неговиот блог напишал дека мејнстрим медиумите одбиле да ги прифатат „добро поткрепените сомнежи во официјалната верзија на случувањата: операцијата на Ал Каеда за која владините службеници не знаеле“.На ова барање, шефот на кабинетот на генералниот секретар на ОН, Виџај Намбиар изјави дека Ки-Мун претходно ги осуди овие изјави но не може да го отпушти Фалк бидејќи него го именува Советот за човекови права чие седиште е во Женева. Шефот на ОН го изнесе своето незадоволство во обраќањето пред членовите на Советот за човекови права во Женева, на седница на ова тело, формирано пред пет години.„Сакам да зборувам јасно и директно. Осудувам ваков вид на запалива реторика“, рече Бан Ки-Мун, додавајќи дека „таквите глупости се навреда за поменот на повеќе од 3.000 луѓе кои загинаа во нападите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Државниот хрватски инспекторат повлече KitKat чоколада од продажба
Државниот хрватски инспекторат го повлече од пазарот производот Nestle KIT KAT Mini Waffle поради присуство на минерални масла, извести Хрватската агенција за земјоделство и храна, пренесе Индекс.хр.
Како што објаснуваат во соопштението, станува збор само за Nestle KIT KAT Mini 200 грама во кесичка (производ од вафли прелиен со млечно чоколадо), серија 40580734, со рок на употреба 01.2025 година.
Производител е Nestle Deutschland AG, Франкфурт, Германија, а производот е пласиран на пазарот од Nestle Adriatic d.o.o., Загреб, Хрватска.
Свет
Родителите на Кејт Мидлтон се нејзиниот темел додека таа бори во најтешката животна битка
Во петокот, принцезата од Велс го шокираше светот со веста за нејзината болест.
„Таа има навистина тесен круг на пријатели, особено во Норфолк, таму има многу блиски пријатели“, изјави за странските медиуми за принцезата Кејт Мидлтон, кралскиот експерт Кејти Никол. Таа неодамна и откри на јавноста дека и е дијагностициран рак, по неколкумесечни шпекулации дека нејзината здравствена состојба не е добра, но и дека се повлече од јавноста затоа што нејзиниот сопруг Вилијам ја изневерил.
Никол појасни кој всушност претставува основа на се, во животот на принцезата.
„Нејзиното безбедно пристаниште дефинитивно се нејзините родители, братот Џејмс и сестрата Пипа. Иако не ги гледаме често на заеднички фотографии, тие речиси секогаш се некаде блиску до неа. Тие се апсолутно нејзиниот темел”, рекол тој. Со неговата изјава се согласија и следбениците на социјалните мрежи кои раскажаа како Кејт се дружела со мајка си откако дознала за тешката дијагноза, бидејќи знаела дека може да и каже такви информации, но и дека ќе добие утеха и совет. Нејзините родители ја поддржувале во веројатно најтешките моменти од нејзиниот живот.
Керол и Мајкл Мидлтон добиле олеснување кога слушнале дека ракот е откриен во рана фаза и се чувствувале безбедно бидејќи нивната ќерка е на превентивна хемотерапија.
„Кетрин ќе ги има најдобрите доктори на светот кои ќе ја чуваат, така што таа е во сигурни раце. Керол и Мајкл отсекогаш биле силна двојка и многу приземни. Она што сега го прават е да се здружат и да ја поддржуваат неа, и не само Вилијам и Кејт, туку и нивните внуци“.
Братот Џејмс испрати порака за поддршка на својата постара сестра. Тој објави фотографија кога биле деца и и посвети прекрасни зборови:
„Искачивме многу планини заедно низ годините. Како семејство, оваа ќе ја искачиме со вас.
Свет
ИДФ: 200 членови на Хамас убиени во болницата Ал-Шифа, ги евакуиравме пациентите и персоналот
Израелските одбранбени сили (ИДФ) соопштија дека повеќе од 200 вооружени лица биле убиени за време на операцијата против Хамас во болницата Ал-Шифа во градот Газа.
Во текот на изминатиот ден, напаѓачите на Хамас излегоа од собата за итни случаи во Ал-Шифа, каде што се криеја, и отворија оган врз израелските војници, тврди ИДФ, додавајќи дека неколку слични инциденти се случиле во последните денови.
Во текот на борбите, армијата вели дека војниците евакуирале цивили, пациенти и медицински персонал во друг дел од болницата „која ИДФ ја подготви и ја постави за да овозможи продолжување на соодветниот медицински третман“, пишува „Тајмс оф Израел“.
Истовремено, ИДФ тврди дека уште десетици оперативци на Хамас биле убиени за време на операциите во изминатиот ден во градот Ал-Карара во јужниот дел на Газа и во квартот Кан Јунис Ал-Амал.
Војниците кои дејствуваат во јужниот дел на Газа, исто така, лоцирале и уништиле складишта за оружје, а во централниот дел на Појасот, ИДФ вели дека неколку противнички оперативци биле убиени во текот на изминатиот ден од војниците на бригадата Нахал и во воздушните напади.