Свет
Новиот биосателит „Бион“ ќе биде лансиран 2012-та
Најголемиот руски конструктор и произведувач на транспортни ракети од средната класа – „ЦСКБ-Прогрес“ од Самара има намера во 2011 г. да го заврши проектот, а 2012 г. да обезбеди лансирање на новиот биосателит „Бион“, изјавил генералниот менаџер на компанијата во разговор за порталот на Руската вселенска агенција.
„Линијата за научните истражувања кај нас е претставена со леталата Бион и Фотон. Следниот Бион-М кој е вселенско летало за проучување на биолошките ефекти врз живите организми – ние мора да ги направиме во 2011 г., а во 2012 г. да го лансираме“, вели Александар Кирилин.
Според него, вселенското летало „Бион-М“ е наменето за орбитални летови во функција на фундаментални и применети истражувања за космичката биомедицина и биотехнологија со повратни резултати од експериментот на Земјата. Проектот е во интерес на подобрување на системот за медицинска поддршка при долгорочни вселенски летови со екипаж и човековите активности во екстремни услови.
Се планира леталото да понесе во Вселената 45 обични глувци и осум монголски глувци, како и 15 гуштери и полжави. Покрај тоа, на „Бион“ се планира да бидат сместени и 30 до 40 микроорганизми и поразвиени растенија. Сиве овие облици на живот 30 дена ќе бидат во услови на бестежинска состојба.
Претходно веќе се извршени 11 успешни лансирања на леталата од типот „Бион“. Во подготовката на медицинско-биолошките експерименти учество земале научни организации од САД, Канада, Германија, Холандија, Полска и Чешка.
„ЦСКБ-Прогрес“ кој претпријатие во државна сопственост за истражување и производство на вселенски летала, е водечка руски компанија во развивањето, производството и експлоатацијата на транспортни ракети од средна класа и на автоматизирани беспилотни летала кои се користат за далечинско набљудување на Земјата и за научни цели. Оваа компанија има досега успешно лансирано повеќе од 1.740 ракети транспортери и 980 вселенски летала./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.
Регион
(Видео) Силно невреме со поплави во Грција, Волос без струја
Силно невреме ја зафати Грција, поточно Лариса, каде обилните дождови доведоа до излевање на канализацијата, која ги поплави улиците, а во Волос е забележан и прекин на струја.
Врз основа на податоците од метеоролошката станица на Националната опсерваторија во Атина, измерени се просечни 100 милиметри дожд или максимални 312 милиметри на час, поради што полицијата мораше да го прекине сообраќајот бидејќи улиците беа поплавени.
Во градот Волос во текот на ноќта имало проблеми со струјата, но како што пренесуваат грчките медиуми, се е брзо ставено под контрола.
Министерот за цивилна заштита и климатска криза Василис Кикилијас од вчера е во Тесалија за внимателно да го следи развојот на невремето.
– Имаше оправдана загриженост на граѓаните овде во Тесалија бидејќи сеќавањата за катастрофата се свежи, затоа бевме сите овде, координирани и организирани. Драго ми е затоа што досега овој напор се исплатеше. Само со заедничка и координирана работа можеме да добиеме многу добри резултати – најави тој.
Силен дожд и невреме го зафати јужниот дел на Пелион, а како што јавуваат медиумите паднал и град. Овој регион во септември минатата година беше соочен со разорни поплави.
Ненадејна промена на времето се случи и на големите височини во централна и северна Грција, каде падна снег.
„Снежно невреме е забележано во ски-центарот на Василица“, се наведува.
Во меѓувреме, населението е најмногу загрижено за земјиштето околу езерото Карла на границата на Магнезија и Лариса, кои беа поплавени во септември минатата година. Полињата, па дури и воените инсталации во Стефановики се под тони вода.