Свет
Можно е Мубарак да не се кандидира повторно
Претставник на египетскиот потпретседател Сулејман разговарал со лидерите на протестите на централниот каирски плоштад Тахрир околу барањата на демонстрантите и дејствијата на властите за извлекување на земјата од криза, а претходно е јавено дека претседателот Мубарак нема пак да се кандидира
Како што јавува сателитскта телевизија Al Arabia, египетскиот претседател Хосни Мубарак нема да се кандидира на следните претседателски избори кои треба да се спроведат есента 2011 г. Според извори на телевизијата, претседателот тоа ќе го соопшти во вторник доцна навечер во негово специјално обраќање до народот. Наводно ова било речено на средбата меѓу пензионираниот американски амбасадор Френк Визнер и Мубарак. Според неименуваниот извор, Мубарак ќе објави дека ќе се повлече на следните избори, но дека ќе остане на функцијата се додека не се задоволат барањата на демонстрантите.Американски претставник одбил да каже дали Визнер пренел порака од американскиот претседаател Барак Обама.Во вторникот во главниот град Каиро и во сите провинции на Египет започна протестната масовна акција „Марш на милионите“ со којашто се бара оставка од претседателот Хосни Мубарак. Според информациите на арапската телевизиска мрежа Al Jazeera, засега на плоштадот Тахрир се собрале околу 250 илјади луѓе, а во централното подрачје на Каиро, на мостовите, улиците и плоштадите според проценката на изворот имало околу два милиона луѓе. Претставник на потпретседателот на Египет, Омар Сулејман, разговарал со лидерите на демонстрантите на плоштадот Тахрир за барањата на демонстрантите и за акциите на египетсктие власти за извлеквуање на земјата од кризата, јавува Al Arabia. Сулејман во вторникот претходно изјави дека е неопходен дијалог со опозицијата за решавање на комплексната ситуација во Египет и веќе се консултирал со своите соработници за отпочнување на дијалогот. Истовремено, демонстрантите, и покрај големите отстапки од страна на властите, категорично одбија да се вклучат во дијалог со нејзините претставници и уште еднаш побараа целосна промена на режимот. Од 25-ти јануари Египет го зафатија масовни протести со барањата за промена на режимот и за спроведување итни економски и политички реформи. Во безредијата придружени со ограбување и подметнување пожари, загинаа околу 150 луѓе, а околу четири илјади се ранети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.