Свет
Тројца грчки новинари претепани во Каиро
Три грчки новинара се повредени во четвртокот за време на судирите на улиците во Каиро, каде што почнувајќи од 25 јануари се одржуваат масовни протести со барање за оставка на претседателот Хосни Мубарак, јави атинската телевизија MEGA TV
Според дописникот на телeвизијата, кој самиот не бил нападнат, тројца од неговите колеги од Грција биле нападнати од непознати лица. Двајца од новинарите се здобиле со повреди. Меѓу жртвите се новинарот на весникот Katimerini, Петрос Папаконстантину, фото-репортерот на весникот Јоргос Мутафис и репортерот на Reuters Јанис Бехракис. „Банди од толпата ги напаѓаат странските новинари сметајќи ги дека ја подгреваат ситуацијата. Локалните телевизиски канали пренесуваат дека настаните во Египет се резултат на меѓународен заговор, а особено од работата на странските новинари“, наведува дописникот на MEGA TV, од улиците на Каиро. Повредениот новинар на Katimerini, Петрос Папаконстантину контактирал со редакцијата на својот весник известувајќи ги за деталите на нападот. „Се наоѓава на плоштадот Тахрир во центарот на Каиро, каде правев репортажа. На пат кон хотелот ме пресретнаа приврзаници на претседателот Мубарак. Тие се обидоа да ме линчуваат, ме тепаа со палка по главата и ме прободеа со нож во ногата“, изјавил за телевизијата Папаконстантину.Според него, од личнот н атолпата го спасиле војници. Потоа тој бил чуван од нивна стража и пренесен во болница. Претходно во четвртокот новинарите од повеќе светски медиуми јавија дека исто така биле нападнати од демонстрантите во Каиро.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Двајцата осомничени за убиството на малата Данка, испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош кои, како што се наведува, опишале како течел денот кога исчезнала нивната ќерка.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме е неописливо. Тоа може да го разбере само родителот. Неколку пати ни дојде полиција, ѝ зедоа разни работи на Данка, ништо не знаеме, ниту за крвта на патот, ниту во кола, ниту ништо. Не ни е јасно зошто не се јавиле во итната помош, зошто не помогнале, но го направиле тоа. Тоа што јас и Ивана постојано страдаме е страшно, разни луѓе ни се јавуваат, не навредуваат, ни ја префрлаат вината. Морав да побарам да го сменам бројот, не можеме повеќе. Кога се ќе заврши, ќе кажеме се“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафах во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.