Свет
Мубарак поднесува оставка
Египетскиот претседател Хосни Мубарак во четврток навечер треба да ја објави својата оставка од претседателската функција, јави американската мрежа NBC News која се повикува на два извора, од кое еден е од CIA
Како што се предвидува неодамна именуваниот потпретседател Омар Сулјеман ќе биде човекот што ќе го замени Хосни Мубарак по три децении на претседателската функција. Како што јавува NBC News повикувајќи се на добро известени извори, во текот на целиот ден во четвртокот траел состанокот на највисок ниво на египетскиот воен врв. По состанокот египетската армија го издаде кусото соопштението дека ќе бидат исполнети сите барања на демонстрантите, со нагласка дека во текот на денот ќе следува пошироко известување.Ова пред демонстрантите на плоштадот Тахрир го повтори и генералот Хасан ал-Руеини, воен командант за областа на главниот град Каиро. Тој прв најави дека на народо ќе му се орбати лично претседателот Хосни Мубарак. Еден од изворите на американската информативна мрежа потекнивува од канцеларијата на Мубарак, и тој потврдил дека египетскиот претседател ќе подонесе оставка.„Многу е веројатно дека претседателот Хосни Мубарак ќе подонесе оставка вечерва“, изјави претходно во четвртокот директорот на американската раузнавачка служба CIA, Лион Панета во текот на неговата изјава пред комисијата на американскиот Конгрес која ја контрила рабтоата на разузнавачките служби, пренесе Assocaited Press.Според електронското издание на Washington Post, ваквите информации се во опток во Каиро, но се многу контрадикторни. Според весникот првичните информации говореа дека се подготвува воен пуч, а по соопштението на воениот врв стана јасно дека Мубарак ја изгуби досегашната поддршка од армијата. Меѓу демонстрантите на плоштадот Тахрир на кои во четвртокот им се придружија и медицинските лица, се шпекулирало дека Мубарак ќе се откаже само од дел од привилегиите што му ги пружа претседателската функција.Во Египет 17-ти ден продолжуваат масовните протести со кои се бара оставка од шефот на државата. Во некои области во земјата, како и во престолнината Каиро, во судирите меѓу полицијата и демонстрантите, како и во меѓусебите судири меѓу противниците и приврзаниците на претседателот Мубарак досега загинаа околу 300 лица а околу пет илјади се повредени. Демонстрантите сметаат дека режимот на 82-годишниот Мубарак е одговорен за високиот степен на сиромаштија во земјата, гоелпата корупција и социјалната нееднаквост. Егиепсктие власти изминатите неколку дена направија некои чекори кон задоволување на барањата на демонстрантите, кои внесоа раздор во редовите на противниците на режимот. Особено откако премиерот Ахмед Шафик вети дека од 1 април за 15 отсто ќе ги зголеми платите на вработените кои се финансираат од државнито буџет, како и пензиите. Претходно, Мубарак вети дека нема да се кандидра за уште еден застане на претстојните избори во септември оваа година. Покрај тоа, Мубарак го смени целиот врвот на владејачката Национална демократска партија, а од едно од раководните места во партијата го отстрани и својто постар син Гамал Мубарак. Заменик-претседателот Омар Сулејман во меѓувреме одржа неколку круга на меѓуетнички дијалог, на кој се разгледуваа барањата на опозицијата, вклучувајќи ги инсистирањата за уставни реформи. Покрај тоа, беше формирана и независна комисија за истрага за трагичните настани од 2-ри февруари, кога во судири меѓу поддржувачите и противниците на Мубарак беа убиени 11 луѓе. Сепак, повеќето радикални млади кои протестираат на плоштадот Тахрир, сметаат дека сиве овие мерки не се доволни и соопштија дека нема да си заминат се додека не „си замиме режимот“.
Мек воен удар Како што пренесува Fox news, групата којашто во четвртокот се состанала била составена од министерот за одбрана, маршалот Хусеин Тантави – кој стои на врвот на воената хиерархија, заедно со началниците на службениците во војската, командантот за операции, како и командантите на копнените сили, морнарицата, воздухопловните сили и воздушна одбрана . Изворот на телевизијата посочил дека трансферот на власта ќе се случи „надвор од уставната рамка“, бидејќи според егиептскиот устав, оставката Мубарак би значело дека спикерот на парламентот ќе стане претседател, а изборите ќе се одржат во рок од 60 дена. Во овој случај, военито совет „нема да се раквооди од уставот или легислативата“, истакнал соговорникот кој додал дека „оттаму, тие ќе треба да го дефинираат форматот под кој ќе се преземе власта“ . Според Fox news не е познато колку долг период египетскито воен врв планира да ја контролира власта, ниту, пак, е познат механизмот или распоредот на операциите со кои ќе се стави крај администрација на војската на власт. Меѓутоа, соговорникот на телевизијата посочил дека „доколку (трансферот на власта од Мубарак) не се случи, тоа веројатно ќе ја покаже насока во која ќе се движи земјата“. Притоа се прават паралели со државниот удар што го изведе египетскиот воен врв во 1952 г. И соборувањето од власт на кралот Фарук, истакнувајќи дека армијата ја презеде власта шест месеци пред монархијата дефинитивно да биде укината и да биде прогласена современата Република Египет. Дали ќе му се суди на МубаракФинансиските аналитичари од регионот го проценија богатството на смејството Мубарак меѓу 40 и 70 милијарди долари. Според обвинувањата на демонстрантите и опозицијата, ова богатство е стекнато со злоупотреби на државните фондови и меѓународни зделки. Наводно голем дел од богатството на Мубарак е депонирано во британски и швајцарски банки и е инвестирано во недвижнините коишто ги поседува во Лондон, Њујорк и Лос Анџелес, како и на атрактивни локации на брегот на Црвеното Море. По трите децении минати на претседателската функција и уште неколкуте години претходно минати на висока воена позиција, Мубарак имал пристап до многу инвестициски договори кои на неговите банкарски конта донеле огромни суми, сметаат финансиските и политичките аналитичари. Според написот на арапскиот весник Al Khabar, египетскиот претседател има станови на њујоршки Менхетен, и куќи во ексклузивната област Роде Драјв на Беверли Хилс. Се смета дека доларски милијардери се и неговите синови.Меѓутоа, многу од официјалните претставници на египетските власти се сомневаат дека Мубарак ќе бидат кривично гонети по напуштањето на функцијата. „Нема конкретни наводи за престап за кои би бил обвиент Мубарак“, смета анонимен извор од актуелната егиептска власт кој додава дека доколку подоцна се појават обвиненија против него, со тоа ќе се справуваат правосудните институции. Изворот предвидува, речиси сигурно, дека Мубарак ќе се повлече во Шарм ел-Шеик и ќе води „изолиран“ живот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потврдено: Нема штета на иранските нуклеарни постројки
Нема штета на иранските нуклеарни постројки за време нападoт на Израел, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024
Свет
Америка го ограничи движењето на својот дипломатски персонал во Израел
САД го ограничија патувањето за персоналот на нивната амбасада во Израел и членовите на нивните семејства „од претпазливост“ по извештаите за израелски одмазднички напад врз Иран.
Амбасадата соопшти дека на персоналот им било кажано да не патуваат надвор од поширокиот регион на Тел Авив – вклучувајќи ги Херцлија, Нетања и Дури Јехуда – и областите Ерусалим и Беер Шева до понатамошно известување.
„Безбедносната средина останува сложена и може брзо да се менува во зависност од политичката ситуација и неодамнешните настани“, се вели во соопштението објавено утрово.
Свет
Си-Ен-Ен: Остин разговараше со Галант пред нападот на Иран, Вашингтон не ја поддржува оваа акција
Американскиот секретар за одбрана Лојд Остин разговараше во четвртокот со израелскиот министер за одбрана Јоав Галант за „регионалните закани и дестабилизирачките дејства на Иран на Блискиот Исток“, соопшти Пентагон.
Повикот бил упатен пред Израел, како што пренесуваат медиумите, да изврши напад внатре на територијата на Иран, а во соопштението на Пентагон не се споменува никаква дискусија за плановите на Израел за овој напад, пренесува Си-Ен-Ен.
Неименуван висок американски функционер изјави за Си-Ен-Ен дека Израел во четвртокот ја информирал Америка дека во наредните денови ќе возврати на нападот на Иран минатиот викенд и дека Вашингтон не ја поддржува оваа акција на Тел Авив.
Тензиите меѓу Тел Авив и Техеран се зголемија по нападот на Иран врз Израел на 13 април, со повеќе од 300 беспилотни летала и проектили. Неименуван американски функционер претходно за Си-Ен-Ен изјави дека Израел утринава извршил напад на иранска територија, а иранската државна телевизија објави дека три беспилотни летала биле забележани над небото во Исфахан и биле уништени откако системот за противвоздушна одбрана на земјата бил активиран.
Новинската агенција „Фарс“ објави дека се слушнале „експлозии“ во близина на меѓународниот аеродром во Исфахан. Провинцијата Исфахан е дом на голема воздухопловна база, голем комплекс за производство на ракети и неколку нуклеарни локации, наведува Би-Би-Си.
Израелската војска соопшти дека „засега нема коментар“ за извештаите за експлозии во Иран. Иранскиот министер за надворешни работи Хосеин Амирабдолахиан изјави неколку часа пред да се слушнат експлозиите дека доколку Израел преземе каква било воена акција, одговорот на Техеран ќе биде „веднаш и на максимално ниво“, пренесува Танјуг.