Свет
Мубарак преживеа шест атентати, ќе биде запаметен како е симнат од власт
Индиската новинска агенција ПТИ објави кус преглед на 30-годишното владеење на Хосни Мубарак во Египет, осврнувајќи се на некои занимливи моменти од неговата биографија.
„Преживеа шест атентати за време на владеењето со железна рака, но не успеа да ги преживее незапаметените протести во организација на сопствениот народ. До избувнувањето на протестите се чинеше дека 82-годишниот Мубарак не може да биде сменет од местото на чело на Египет“, пишува ПТИ.
„Кога беше избран за претседател во 1981 година, ретко кој очекуваше дека на таа позиција ќе се задржи во наредните 30 години.
За време на неговото претседателствување најмалку шестпати беше цел на атентатори. Најопасен беше обидот за атентат врз него во 1995 година во Адис Абеб, но Мубарак како да имаше повеќе животи.
Интересно е тоа што благодарение на атентатот врз неговиот претходник дојде на власт“, опишува ПТИ.
Од агенцијата додаваат дека тој никогаш не пушел и не пиел. Како што наведуваат во текстот има репутација на човек кој води здрав живот./крај/ихр/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.