Свет
Преглед на печат / Свет
„Њујорк Тајмс“ (САД)
„Синот на Гадафи предупредува на граѓанска војна“, весникот го пренесува телевизискиот говорот на синот на либискиот претседател, дека на земјата богата со нафта и се заканува граѓанска војна и ги обвини Западните „колонизатори“ дека тие сакаат да го соборат 40-годишното владеење на неговиот татко. Сеиф ал-Ислам ел-Гадафи, неколку пати во својот говор повтори дека Либија не е Тунис или Египет. „Гардијан“ (Велика Британија)
„Востанието се шири во Триполи и другите градови“, прави осврт на настаните во Либија каде насилствата ескалираат. Кога во 1999 година Либија се согласи да екстрадира двајца свои државјани осомничени за експлозијата на патнички авион над Локерби во Шкотска и кога во 2003 година соопшти дека ja прекинува програмата за развој на оружје за масовно уништување, светот ова го поздрави со образложение дека една земја може да ја промени својата политика. Меѓутоа откако силите за безбедност убија 200 Либијци во последните четири дена се чини дека„ новиот“ полковник Гадафи воопшто не се сменил. Весникот забележува дека во земја во која човечкиот живот не вреди многу, двете страни влегле во борба на живот и смрт. „Чајна дејли“ (Кина)
„Кинески панди заминаа во Јапонија“, пишува дека пар џиновски панди го напушти својот дом во провинцијата Сечуан и според договорот за заедничко истражување на ретки видови заминале на 10-годишен престој во Јапонија. Двете панди се на возраст од пет години и тие ќе бидат сместени во зоолошката градина Уено во Токио. „Москва Тајмс “ (Русија)
„Изборите тест за економската и политичка стабилност“, весникот ја пренесува изјавата на министерот за финансии и вицепремиер на Русија, Алексеј Кудрин, „фер и чесни“ избори ќе ги постават темелите на напредок, и ќе ја намалат зависноста на земјата од извозот на гориво. Говорот на Кудрин на економскиот форум во Краснојарск од страна на инвеститорите се коментира како многу храбар потег. Доколку владата не обезбеди фер избори нема да дојдат пари од инвеститорите, рече заменик-премиерот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.