Свет
Ирански воени бродови во Суецкиот канал
Два ирански воени брода денеска влегоа во Суецкиот канал и пловат кон Средоземното море, потврдија претставници што раководат со каналот по египетски суверенитет, а станува збор за чекор кој дополнително може да го загрижи Израел и да ја засили напнатоста на Блискиот исток, пренесуваат агенциите.„Бродовите влегоа во каналот во 5:45 часот по локално време“, изјавиле официјални претставници за Ројтерс. Засега не се познати други детали.Станува збор за први воени бродови во Суецкиот канал од Исламската револуција во Иран во 1979 година.Египетската војска, која управува со земјата од падот на претседателот Хосни Мубарак на 11 февруари, го одобри иранското барање за минување на иранските бродови, чијашто дестинација е Сирија. Ирански дипломатски извори рекле дека посетата на двата брода на Сирија ќе биде рутинска и краткотрајна, пренесува АФП.Според иранската новинска агенција Фарс, станува збор за бродот Карг, кој има екипаж од 250 лица и може да носи три хеликоптери и за фрегатата Алванд вооружена со торпеда и со противбродски проектили.За преодната египетска власт, Иранското барање претставуваше многу чувствително прашање бидејќи Каиро е сојузник на САД, Египет има мировен договор со Израел, а неговите односи си Иран од револуцијата во 1979 година беа затегнати.Аналитичарите оценуваат дека во однос на Мубарак, повеќето главни египетски политички сили би биле помалку помирливи кон Израел и неговиот сојузник САД, иако се уште никој отворено не заземал став дека е за отфрлање на израелско-египетскиот мировен договор.Суецкиот канал е дел од меѓународните води, а под суверенитет на Египет. Египет е врзан и со договорот од Камп Дејвид од 1976 година, кој го гарантира правото на слободно минување на бродовите кои му припаѓаат на Израел во сите други земји, врз основа на Конвенцијата од Константинопол од 1888 година./крај/хи/бч
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пожар во Атина: Се запали станбена зграда, пет противпожарни возила на лице место
Пожар избувна на високо приземје на станбена зграда во атинската населба Ризуполи. Како што јави грчкиот јавен сервис ЕРТ, на лице место излегле 16 пожарникари со пет возила.
Мобилизирани се и два камиони со скали, доколку е потребно да се евакуираат станарите од горните катови.
Свет
Лидерот на Хамас пристигна во Истанбул, ќе се сретне со Ердоган
Лидерот на Хамас, Исмаил Ханија денеска е во Истанбул на средба со турскиот претседател Реџеп Тајип Ердоган, кој го поддржува палестинското движење.
Ердоган синоќа ја потврди посетата, нивна прва средба лице в лице од јули 2023 година, но беше многу дискретен за нејзината цел. „Да ја зачуваме агендата за нас и господинот Ханија“, им рече тој на новинарите.
Ќе се разговара за војната во Појасот Газа, соопшти Хамас.
Ханија вчера вечерта пристигна во Истанбул на чело на делегацијата на неговото движење.
Тој град е едно од неговите места на живеење од 2011 година, но од почетокот на војната во Појасот Газа во октомври 2023 година, тој бил таму само еднаш официјално, во јануари. Потоа се сретна со турскиот министер за надворешни работи Хакан Фидан, со кого во средата во Доха имаше долг разговор.
Фидан денеска ќе се сретне со египетскиот министер за надворешни работи Самех Шукри.
Турција, која сака да биде лидер во поддршката на палестинското прашање, дава цврста и постојана поддршка на претставниците на Хамас, но остана на страна во посредувањето меѓу Израел и палестинското движење.
Посетата на Ханија на Турција доаѓа во време кога Катар, кој игра клучна улога во разговорите меѓу Израел и Хамас, сака да ја „преоцени“ својата улога во застојот на разговорите за прекин на огнот и ослободувањето на израелските заложници.
Свет
Бројот на палестинските жртви во Појасот Газа надмина 34.000
Најмалку 34.049 Палестинци се убиени во израелската воена офанзива во Појасот Газа од 7 октомври, соопшти Министерството за здравство на палестинската енклава.
Во соопштението се додава дека во овој период биле ранети 76.901 лице.
Во текот на претходните 24 часа загинаа 37 Палестинци, а 68 беа повредени, се наведува во објавата.