Свет
Гадафи: Владата на Либија не употребила сила, но е подготвена за тоа
Либиските власти не употребиле сила за време на неодамнешните случувања во земјава, но може да ја употребат доколу тоа е потребно, изјави либискиот лидер Моамер ел-Гадафи кој рече дека нема да се повлече од власта
Протестите во либиските провинции со кои се бара повлекување од власта на Моамер ел-Гадафи кој е на чело на државата 42 години, почнаа на 15-ти февруари. Според извештаите на арапските медиуми и западните новински агенции, властите брутално ги задушуваат демонстрациите.„Ние не употребивме сила, но можеме да ја примениме во согласност со либиското и со меѓународното право“, изјави Гадафи, чие обраќање до нацијата е емитувано во вторникот на либискиот државната телевизија. Гадафи ги повика сите граѓани да им се приклучат на неговите приврзаници, да излезат од своите домови и да ја заштитат стабилноста на државата. Според либискиот водач, во Либија нема војна, туку станувало збор за обид на млади луѓе под влијание на дроги или испорвоцирани од криминална сили да ги повторат во Либија случувањата од Тунис и Египет. „Во Либија нема војна, групи млади луѓе под дејство на дроги ги напаѓаат касарните, полициските станици и крадат оружје. Одредени сили ги поттикнуваат, ги снабдуваат со оружје и со пари“, изјави Гадафи. Либискиот врховен лидер Гадафи соопшти дека нема да поднесе оставка, и покрај масовните протести против неговото владеење. Во обраќањето до либискиот народ, тој рече дека ќе остане на власт и ќе им се спротивстави на светските супер сили.„Јас сум борец…Нема да ја напуштам почвата на својата родна земја и подготвен сум да умрам тука како маченик“, порача Моамер ел Гадафи.Според најновите податоци на организацијата за заштита на човековите права Хјуман рајтс воч, најмалку 500 луѓе настрадале во судирите меѓу демонстрантите и безбедносните сили.Во вторникот навечер Гадафи првпат се појави во јавноста по една седмица откако започнаа немирите во Либија. Тој на новинарите на националната телевизија им изјави дека се наоѓа во Триполи, а не во Венецуела „како што говорат лажните гласини“. Во веќе седумдневните протести во Либија според процените на арапските медиуми загинале повеќе од 500 луѓе, а околу четири илјади се ранети. Светската заедница ги повика либиските власти веднаш да го запрат насилството во земјата. Многу земји започнаа со евакуација на своите граѓани од земјата зафатена со безредија.Како што информираат од македонското Министерство за внатрешни работи, досега околу 40 маакедонски државјани побарале помош за евакуација од Либија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Десетгодишно дете призна дека убило човек пред две години, полицијата во Тексас во шок
Десетгодишно дете од американската сојузна држава Тексас, кое било испрашувано поради наводна закана дека ќе го убие својот соученик, им кажало на инспекторите дека убил човекот пред две години без никаква причина, соопштија органите на редот.
Според законите во Тексас, детето не може да биде обвинето за злосторството бидејќи во моментот на убиството имало помалку од 10 години, пренесува CBS News.
Момчето им кажало на училишните службеници дека пукало и убило човек во 2022 година, соопшти канцеларијата на шерифот на округот Гонзалес.
Како што е наведено, момчето им дало на истражителите информации за убиството на 32-годишниот Брендон О’Квин Резбери на 18 јануари 2022 година во Никсон, Тексас.
Тој рече дека тој ден бил кај својот дедо на гости во паркот за кампери во близина на местото каде што живеел Резбери, и дека извадил пиштол од кабината на камионот на неговиот дедо, влегол во комбето на Резбери, пукал во него и го убил.
Тој исто така изјавил дека никогаш претходно не го видел Расбери и дека убиениот не направил ништо за да го налути.
На 12 април, инспекторите го пронајдоа пиштолот користен за убиството на Разбери во заложна продавница во блискиот град, но бидејќи детето имало помалку од 10 години кога го извршило злосторството, не може да биде обвинет за убиството во 2022 година.
Детето е обвинето во врска со заканата упатена кон соученик и се наоѓа во малолетнички притвор, каде го чека почетокот на судењето.
Свет
Северна Кореја тестираше „супер голема“ боева глава за крстосувачка ракета
Северна Кореја денеска соопшти дека тестирала боева глава со „супер-голема“ крстосувачка ракета и нова противвоздушна ракета.
Тестот за моќност на супер-големата боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се одржаа во петокот, објавија државните медиуми.
„Пробното лансирање постигна одредена цел“, објави КЦНА.
Се наведува дека тестовите биле дел од редовните воени активности на Северна Кореја и дека немаат „никаква врска со околната ситуација“.
Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарна боева глава.
Тестовите на крстосувачки ракети не подлежат на санкции против Пјонгјанг. Меѓутоа, таквото оружје може да се користи и за пренесување на нуклеарни боеви глави.
Наспроти позадината на конфликтот околу севернокорејската програма за нуклеарно оружје, тензиите на Корејскиот полуостров повторно значително се зголемија. Соединетите Американски Држави и Јужна Кореја ја зајакнаа својата воена соработка, вклучително и заеднички маневри, како одговор на повеќекратните ракетни тестови на Пјонгјанг со нуклеарни капацитети во последните две години.
Свет
Големи експлозии во база на проиранската милиција во Ирак
Проиранската милиција ПМФ (Сили за народна мобилизација) објави дека во текот на ноќта се случила голема експлозија во нивната воена база Калсо на околу 50 километри јужно од Багдад, Ирак, а два безбедносни извори тврдат дека станува збор за воздушен напад, пренесува Ројтерс.
Еден војник на ПМФ е убиен, а шестмина се ранети, соопштија два извори од болницата во блискиот град Хила.
Од експлозијата е причинета материјална штета, а има и повредени“, се вели во соопштението на ПМФ и се додава дека истрагата е во тек.
Два безбедносни извори изјавија дека се уште не знаат кој е одговорен за воздушниот напад. Американски официјален претставник изјави дека немало американска воена активност во Ирак.
Израел вчера изврши напад на иранска територија, неколку дена откако Иран го нападна Израел со беспилотни летала и проектили кои главно беа пресретнати и уништени.
Фракциите во рамките на ПМФ учествуваа во неколкумесечни ракетни и беспилотни напади врз американските сили во Ирак среде кампањата на Израел во Газа, но ги прекинаа нападите од почетокот на февруари.