Свет
Шпионката Чепмен во руската Дума
NULL
Убавата руска шпионка Ана Чепмен која беше дел од минатогодишната голема шпионска афера по која дојде до размена меѓу САД и Русија ќе се кандидира на декемвриските избори за рускиот парламент Како што и претходно најавуваше Ана Чепмен, таа е симпатизер на партијата Единствена Русија, на премиерот Владимир Путин и претседателот Димитриј Медведев, па не е изненадување што таа ќе биде кандидирана на листата на оваа партија. Како што пишува рускиот дневен весник „Независимаја газета“, сигурно е дека атрактивната екс шпионка ќе влезе во Думата, бидејќи партијата на Путин има далеку најголем рејтинг во Русија и се очекува нејзина убедлива победа. Весникот дополнува дека Чепмен ќе биде кандидатка во регионот на Волгоград.Ана Чепмен беше дел од групата десет руски шпиони кои беа откриени и уапсени во САД, прво обвинети дека ширеле мрежа, а потоа за непријавено работење на американска територија и за перење пари. Тие беа сменети во Виена за четворица руски државјани кои во руските затвори одлежуваа казни за шпионирање во полза на западни земји. Чепмен којашто пред една седмица напони 29 години, го искористи својот шарм и позираше за повеќе списанија, а води и тв-шоу. Минатиот декември стана и член на раководството на подмладокот на Единствена Русија.Смислата за економија што ја покажала и при престојот во САД, како што забележаа тамошните медиуми, била успешна во трговијата со недвижнини, ја докажува и по депортирањето во татковината каде го брендираше своето име и полага право на осум производи кои ќе го носат нејзиното име, меѓу кои се вотка, часовници и облека со нејзиниот потпис. /крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.