Свет
Асанж ќе биде екстрадиран во Шведска
NULL
Лондонскиот окружен суд во Белмарш нареди основачот на Wikileaks Џулиан Асанж да биде екстрадиран во шведска поради обвиненијата за сексуално малтретирање, јавува Ал Џезеира Судијата Хауард Ридл образложи дека наводите за силување и сексуално малтретирање, поднесени во Шведска од две жени, се кривични дела за кои следи екстрадиција, како и дека шведската потерница по Асанж била правилно доставена.На тридневното сослушување на почетокот на месецов, адвокатите на Асанж тврдеа дека шведскиот судија нема право да издава европска потерница и дека обвиненијата против него не се4 кривични дела за кои е обврзна екстрадиција. Адвокатите на 39-годишниот Австралиец најавија жалба на судската одлука. Тие и претходно тврдеа дека Асанж нема да добие фер судење во Шведска, каде што процесите за силување се одржуваат зад затворени врати. Згора на тоа, тој во Шведска ќе се соочи и со екстрадиција во САД., каде што најверојатно ќе биде4 затворен во специјалниот затвор за терористи во базата Гвантанамо беј на Куба, па дури може да се соочи и со смртна казна. Ова е силен удар за Асанж и за неговиот тим, сметаат адвокатите, но тој се уште ја има можноста да се жали и до Европскиот суд за човекови права. Обвиненијата против него дојдоа од две жени со кои контактирал во Шведска во август минатата година. Едната го тужи за сексуално малтретирање затоа што одбил да стави кондом кога имале секс, а другата дека ја силувал затоа што имал секс со неа додека таа спиела. /крај/Aljazeera/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.