Свет
Гадафи: Ал Каеда и Бин Ладен стојат зад немирите во Либија
Либискиот лидер, Муамер Гадафи, изјави денеска дека шефот на Ал Каеда, Осама бин Ладен, стои зад бунтот во земјата, додавајќи дека следбениците на таа терористичка организација им ставаат на младите Либијците халуциногени апчиња во кафето за да ги поттикнат да се бунтуваат
Како што објавија светските агенции, либискиот водач Моамер ел-Гадафи во телефонскиот разговор на државната телевизија во Либија изразил жалење поради смртта на загинатите во градот Завиј, но ги критикувал жителите на градот, бидејќи тие им се придружиле на демонстрантите.Според изјавите на очевидци, во нападите на безбедносните сили, лојални на Гадафи, врз една џамија утрово загинале десет луѓе. Завиј се наоѓа 50 километри западно од главниот град Триполи.Либискиот лидер рекол дека оние што протестираат му се „лојални на Осама бин Ладен.”„Ова е Ал Каеда, против која се бори целиот свет”, изјавил Гадафи.Гадафи ги повика Либијците да им го запленат оружјето на демонстрантите, кои ја презедоа контролата врз големи делови на земјата.„Нашиот систем е многу јасен: одземете им го оружјето”, советувал Гадафи.„Имам само морален авторитет”, рекол либискиот лидер кој себеси традиционално се претставува како лидер на народната револуција, а не како шеф на државата во традиционална смисла.Глобалната исламистичката терористичка организација Ал Каеда им вети помош на бунтовниците во Либија.„Ал Каеда ќе ја даде сета својата помош за соборување на водачот на либиската револуција полковникот Моамер Гадафи“, пишува во соопштението на оваа организација, објавено во вторникот доцнаВчерашната ситуација во Либија покажува дека властите се решителни да ја повратат контролата над богатите со нафта источни подрачја на земјата.Народниот комитет за безбедност на Либија ги повика бунтовниците веднаш да го одложат оружјето заканувајќи се дека во спротивно „ќе ја исчисти земјата, од куќа до куќа“, јави либиската државна телевизија,Во замена за информации за водачите на бунтот, либиските власти во сабајлешното соопштение ветија солидни парични награди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Детаљно пребарани тунелите, каналите и шахтите, нема траги од Данка: се огласија српските полицајци
Специјалистички екипи за спасување од урнатини на Секторот за вонредни состојби од Белград и Нови Сад заедно со други припадници на МВР од раните утрински часови темелно ги пребаруваа тунелите, подземните канали и шахтите со вкупна должина од 4,5 километри во месноста Бањско Поле до градот Бор и не се пронајдени траги што би укажувале дека таму била двегодишната Данка Илиќ, пренесуваат српските медиуми.
По повеќе од 70 часа детаљно пребарување на теренот во Бањско Поле, припадниците на Министерството за внатрешни работи продолжуваат со интензивно и оперативно пронаоѓање на девојчето и утврдување сите факти и околности за исчезнувањето на детето, според последните извештаи.
Медиумите потсетуваат, од моментот на пријавување на исчезнувањето на 26 март во потрагата по исчезнатото девојче учествуваа стотина припадници на МВР, кои темелно и сеопфатно го прегледаа поширокиот и потесниот простор на ова место со вкупна површина од 10-ина квадратни километри.
Свет
„Фокс њуз открива“: САД потрошиле најмалку 113 милијарди долари за војната во Украина
Американската влада потрошила најмалку 113 милијарди долари за војната во Украина, но таа сума може да се смета за многу поголема поради трошоците за замена на оружјето и муницијата испратени во Киев, процени Пентагон, дознава „Фокс њуз“.
„Фокс њуз“ во септември објави дека САД потрошиле вкупно 101 милијарда долари за војната во Украина.
Според документите од Канцеларијата за менаџмент и буџет на Белата куќа испратени до сенаторот Џ. Д. Венс од американската сојузна држава Охајо, до која имал пристап „Фокс њуз“, САД потрошиле најмалку дополнителни 13 милијарди долари од септември за војната во Украина.
Директорката на Канцеларијата за менаџмент и буџет на Белата куќа, Шаланда Јанг, во писмо до Венс рече дека американскиот Конгрес обезбедил 111 милијарди долари дополнителни средства како одговор на војната во Украина вклучувајќи безбедносна, економска и хуманитарна помош.
Јанг истакна дека вкупните средства вклучуваат и средства „кои не отишле директно во Украина“, туку се користат за поддршка на таа земја поради што понекогаш се појавуваат разни бројки за американската помош за Киев.
Регион
Завршено вештачењето на мобилниот телефон на мајката на Данка, биле бришени пораки и повици, објавија српските медиуми
Мобилниот телефон на мајката на Данка Илиќ бил испратен на вештачење по исчезнувањето на девојчето. Неофицијалните податоци говорат дека мајката избришала многу пораки и повици ден пред и на денот на исчезнувањето на Данка, објави српски „Блиц“.
Според неофицијални сознанија од истрагата, вештачењето на мобилниот телефон на Ивана Илиќ покажало дека се избришани многу пораки и податоци за повици, пишува српски „Информер“.
„На ден пред исчезнувањето и на денот на исчезнувањето на Данка Илиќ многу пораки и повици се избришани од телефонот. Ова го утврдиле инспекторите за високотехнолошки криминал. Пораките и повиците може да се избришат од телефонот, но да останат во базата на податоци“, рекол изворот.
Како што се дознава, пред исчезнувањето на Данка Илиќ мајката трипати го фотографирала детето од разни агли.
Да потсетиме, мајката на Данка Илиќ, Ивана, денеска повторно е во полициската станица во Бор, каде што е на распит за околностите на својата исчезната ќерка. Таткото помина на полиграфското тестирање.