Свет
Американските воени бродови во Средоземно Море
Американските амфибиски бродови во четвртокот рано наутро впловија во водите на Средоземното Море на пат кон Либија, соопштија од управата на Суецкиот канал што го потврдија и американски официјални извори
Амфибискиот брод „USS Kearsarge“ со 800 маринци на кој има 50-ина хеликоптери и авиони со вертикално полетување, како и амфибискиот транспортен брод „USS Ponce“ со санитетски капацитети, го минале Суетцкиот канал на нивниот пат од Црвеното кон Средоземното Море. Официјален Вашингтон претходно најави дека намената на овие бродови ќе биде обезбедување можност за евакуација и поддршка на хуманитарните операции, нагласувајќи дека ниедна од опциите се уште не е исклучена.Иако упатувањето на бродовите кон либиските територијални води претставува директен притисок на САД за либискиот водач Моамер ел-Гадафи да ја напушти власта и да запре со оруженото задушување на бунтот против неговиот режим, највисоките државни функционери во Вашингтон не се многу расположени за почнување нови воени операции, бидејќи се уште се чувствува големиот товар од трошоците за војните во Авганистан и Ирак. Американскиот министер Роберт Гејтс во средата на сослушувањето пред Конгресот рече дека вопоставувањето зона за забранети летови над Либија, претпоставува прво напад со кој ќе се неутрализираат против-авионските одбранбени системи на либиската армија. „Да го наречеме тоа со вистинското име. “Нон-флај“ зоната почнува со напади врз Либија за да се уништи нејзината против-авионска одбрана…, и тогаш може да се лета наоколу, негрижејќи се дека нашите момчиња ќе бидат урнати“, изјави Гејтс пред когресната комисија. Гејтс истакна дека зоната за забранети летови за Либија „исто така бара повеќе авиони отколку што има на еден носач на авиони, бидејќи тоа е голема операција во голема земја“. Американската државна секретарка Хилари Клинтон, пак, пред Комисијата за надворешна политка на Сенатот во средата изјави дека е долг патот до решението за воспоставување зона за забранети летови над Либија. Органзиацијата на Арапската лига исто така во средата соопшти дека ќе ја разгледа поддршката за прогласување зона за забранети летови за да се прекине нападот на режимот на Гадафи врз бунтовниците, но отфрли каква и да е поддршка за директна странска воена интервенција.САД во Црвеното Море го имаат носачот на авиони „USS Enterprise“ со околу 70 авиони, но од Пентагон официјално потврдија дека тој не е на пат за Средоземјето. Вашингтон е загрижен дека Либија ќе навлезе во општ хаос и ќе стане уште еден бастион за Ал Каеда, како што е Сомалија, иако засега САД немаат такви очекувања. Тоа го потврди и Хилари Клинтон којашто рече – „Една од нашите најголеми грижи е дека Либија ќе потоне во хаос и ќе стане гигантска Сомалија. Тоа не е нешто што засега го гледаме на хоризонтот, но многу од активистите на Ал Каеда во Авганистан и во Ирак дојдоа од Либаија, и тоа токму од источна Либија која сега е таканаречената слободна зона на Либија“:Силите лојални на полковникот Моамер ел-Гадафи во средата почнаа против-афанзива кон пристаништето Брега, источно од престолнината Триполи, каде што се наоѓа голема рафинерија, со употреба на авијацијата којашто ги бомбардираше позициите на бунтовниците. Минатата седмица силите на Гадафи беа концентрирани на напади во западниот дел од земјата, настојувајќи да го засилат своето главно упориште Триполи и настојувајќи да ги заземат блиските градчиња кои беа во рацете на бунтовниците. Нападот врз Брега претставуваше големо изненадување, во кој силите на Гадафи прво во средата наутро ги заземаа нафтените постројки а потоа во контра-нападот на бунтовничките милиции беа притеснети кон универзитетксиот кампус од каде даваа жесток отпор, се додека доцна вечерта силите од 200-ини лојалисти не се повлекле, јавија во четвртокот наутро арапските телевизии.Во главниот град Триполи, Гадафи одржа уште еден говор во кој најави битка до последниот човек и предупреди дека илјадници Либијци ќе загинат доколку силите на САД и на НАТО интервенираат во внатрешнтие судири.Светската програма за храна (WFP) при Обединетите нации, ја активираше програмата во вредност од 38,7 милиони долари помош во храна за 2,7 милиони луѓе кои се просто заробени од судирите во Либија, додека светсктие органзиации настојуваат да ги ублажат последиците од бегалската криза на либиските граници со Египет и Тунис. WFP соопшти дека итните пратки со храна се упатени на либиско-туниската граница кон која се движат десетици илјади луѓе кои настојуваат да побегнат од Либија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Џакарта повеќе нема да биде главен град на Индонезија
Парламентот на Индонезија одлучи поранешната метропола Џакарта да остане економски центар на земјата како дел од планот за преселување на главниот град на островот Борнео.
Индонезија планира да го пресели својот главен град од преполната Џакарта во Нусантар, град вреден 32 милијарди долари кој се гради во џунглите на Источен Калимантан, Борнео.
Градот е водечки проект на претседателот во заминување Јоко Видодо, кој вети подобра дистрибуција на богатството и развој низ архипелагот, не само на островот Јава.
Министерот за внатрешни работи Тито Карнавијан по дебатата во парламентот рече дека Џакарта сè уште ќе треба да се развива понатаму за да се натпреварува со другите „градови од светска класа“ откако седиштето на владата се пресели во Нусантара.
„Откако повеќе не е главен град, Џакарта сепак мора да има печат на посебен град за да може да го забрза економскиот раст и да го зголеми својот придонес во БДП на земјата“, рече тој.
Европа
Кремљ за евентуалното блокирање на Телеграм: „Се повеќе станува алатка во рацете на терористите“
Портпаролот на Кремљ Дмитриј Песков денеска изјави дека во моментов не се планира блокирање на социјалната мрежа Телеграм во Русија.
„Не, во моментов нема такви планови“, изјави Песков за каналот Шот на прашањето дали Русија планира да го блокира Телеграма.
Тој додаде дека основачот на таа платформа Павел Дуров треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров, бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација, се повеќе станува алатка во рацете на терористите, се користи за терористички цели“, рече портпаролот на Кремљ, пренесува РИА Новости.
Како што изјави во средата за РИА Новости, извор запознаен со ситуацијата, сторителите на терористичкиот напад во предградието на Москва биле регрутирани преку каналот на Телеграм, Глас Хорасан, сопственост на авганистанското крило на Исламската држава.
Пратеникот на Државната дума од Обединета Русија Олег Морозов денеска оцени дека е неопходно да се развие механизам за автоматско блокирање на каналите на Телеграм кои регрутираат терористи користејќи клучни зборови користејќи вештачка интелигенција.
Европа
Шолц: Мирот во Украина е можен во секој момент, само ако Путин ги повлече своите војници
Германскиот канцелар Олаф Шолц изјави денеска дека мирот во Украина е можен во секој момент доколку рускиот претседател Владимир Путин ја прекине својата, како што наведе, „варварска“ кампања и ги повлече војниците.
Шолц за „Маркише Агемајне Цајтунг“ изјави дека секогаш имало иницијативи за посредување.
„На пример, веднаш по избувнувањето на војната, Русија и Украина директно преговараа меѓу себе. Преговорите потоа пропаднаа затоа што Русија ги искористи само како изговор за истовремено да ги премести своите трупи на исток за голема офанзива“, посочи тој.
Како што тврди, токму тогаш на виделина излегле „масакрите“ во Буча и Ирпин, злосторства против човековите права извршени од страна на руските вооружени сили врз цивилното население, со што разговорите се лишени од секаква основа, пренесува медиумот.
„Малку подоцна се разговараше за договорот за жито, со успех. За жал, Путин во одреден момент повторно го откажа“, додаде Шолц.
Тој изјави дека имало разговори и за безбедноста во нуклеарната централа Запорожје и за размена на затвореници.
„Голем број земји, вклучително и Украина, во моментов разговараат на ниво на советници за безбедност за тоа што би можело да изгледа како нешто што може да доведе до мировен процес, но дозволете ми да бидам многу јасен: мирот е можен во секое време. Путин само треба да стави крај на неговата „варварска“ кампања и да ги повлече трупите“, истакна Шолц.