Свет
Нетанјаху благодарен што папата ги ослободи евреите од вината
„Силно се надевам дека вашата јаснотија и храброст ќе ги засилат односите помеѓу евреите и христијаните ширум светот и ќе помогнат во промовирањето на мирот и помирувањето на новите генерации“, се вели натаму во писмото.
Израелскиот премиер Бенјамин Нетанјаху денеска му испрати писмо на папата Бенедикт Шеснаесетти во кое го поздравува ослободувањето на еврејскиот народ од обвиненијата дека е виновен за смртта на Исус Христ, пренесува Хина„Ваша светлост, ве пофалувам затоа што во вашата последна книга силно ги отфрливте лажните обвиненија, кои беа основа за повеќевековната омраза кон еврејскиот народ“, пишува Нетанјаху во неговото писмо, кое го објави неговиот кабинет.„Силно се надевам дека вашата јаснотија и храброст ќе ги засилат односите помеѓу евреите и христијаните ширум светот и ќе помогнат во промовирањето на мирот и помирувањето на новите генерации“, се вели натаму во писмото.Папата бенедикт Шеснаесетти ги ослободи евреите од вината од обвиненијата дека биле одговорни за смртта на Исус Христ во својата најнова книга „Исус од назарет“, од која вчера во Ватикан беа објавени неколку извадоци.Во делот насловен „Исус од Назарет, втор дел – од везот во Ерусалим до воскресението“, папата го поставува прашањето : „Кои точно го тужеле Исус?“ и потсетува дека во Евангелието по Иван тие се наведени само како „евреи“.Папата тврди дека изразот „евреи“, кој го употребува евангелистот Иван „на ниту еден начин не го означува израелскиот народ во целост“, „а уште помалку е расистички“, бидејќи и „Иван бил Израелец, како и Исус и неговите следбеници“. Тој израз има „прецизно и строго ограничено значење“ и се однесува на „аристократијата во храмот“, која ја посакувала смртта на Исус затоа што се прогласил за еврејски крал и ги прекршил еврејските верски закони, истакнува Бенедикт Шеснаесетти. Улогата на евреите во смртта на Исус е причина за големата тензија со католиците, кои со векови ги обвинуваа за „богоморство“. Вториот ватикански концил (1962 -1965 година) го ослободи еврејскиот народ од секаква одговорност за распнувањето на Исус на крстот, а Бенедикт Шеснаесетти, се верува, е првиот папа кој вака детално ги разложил и ги споредил различните новозаветни извори, кои говорат за смртната пресуда која на Исус му ја одредил римскиот гувернер Понтие Пилат. /крај/хина/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.