Единиците лојални на либискиот водач Моамер ел-Гадафи го продолжуваат нападот на градот Аз-Завија кој се уште е во рацете на бунтовниците, а центарот на градот е бомбардиран од тенкови, додека бројот на жртвите во борбите се искачи на 60 лица, јавува британската телевизија Sky news

Во саботата, градот којшто го контролираат вооружените сили формирани од бунтовниците, беше опколен од владините сили. Во борбата, како што јавува британската телевизија, учествуваат и две оклопни бригади. Една од нив е бригадата „Хармис“, којашто се смета за елитна воена единица со којашто командува еден од синовите на полковникот Гадафи. Не се познати точните загуби на двете страни. Претходно еден лекар за Reuters изјави дека во Градската полска болница биле донесени телата на повеќе од 30 убиени цивили. Според Sky news, бројката загинати во дводневните судир во градот изнесува повеќе од   60 лица. Бунтовниците ја преземаа контролата врз градот Аз-Завија на крајот од февруари и тој им послужи како отскочна даска за организацијата на офанзивата кон главниот град на земјата. Телевизијата Al Arabia претходно во петокот јави дека лојалистите разбиле една од одбранбените позиции на бунтовници и навлегле по улиците на градот. Меѓутоа приврзаниците на опозицијата во саботата зијавија дека го одбиле нападот на владините трупи кои се обиделе да ги преземат Аз-Завија на јуриш. Од 15-ти февруари во либискиот провинции избувна револуција со која противниците на режимот бараат соборување на полковникот Моамер ел-Гадафи кој е на чело на државата повеќе од четири децении. Тој ја отфрли таквата можност и презеде жестока контра-офанзива врз пзоициите на бунтовниците. Според меѓународните организации, во обидот за насилно задушување на бунтот против режимот, во судирите меѓу опозицските сили против лојалистите и странски платеници убиени се околу шест илјади луѓе.