Свет
Гадафи: Се борам против терористите, зошто не ми помагате?
Либискиот водач Моамер Гадафи во разговор за францускиот весник „ Journal du Dimanche“ објавен денеска, вели дека во земјата се бори против терористите и изразува чудење бидејќи не добива никаква поддршка од надвор.
Либискиот водач Моамер Гадафи во разговор за францускиот весник „ Journal du Dimanche“ објавен денеска, вели дека во земјата се бори против терористите и изразува чудење бидејќи не добива никаква поддршка од надвор.
Истовремено либиската државна телевизија објави дека владините сили вратиле неколку градови под своја контрола.
„Изненаден сум што никој не разбира дека ова е борба против тероризмот. Нашите сили за безбедност на овој план соработуваа со странските служби и многу им помогнаа изминативе години. Па зошто сега кога се води борба против тероризмот во Либија, нас никој не ни помага за возврат“ прашува Гадафи.
„Ќе имате исламски џихад пред себе, на бреговите на Средоземието. Ќе дојде Бин Ладен луѓе и ќе наметне плаќање на откупнина на копно и море. Ќе се вратиме во времето на Црвенобрадиот гусар, Отоманите и сите останати кои се однесувале така“ тврди либискиот водач, кого западот го смета за одговорен за крвавото гушење на народниот бунт во земјата.
Тој вели дека и покрај сè што се случува во Либија, на неговата Влада добро и оди. Бунтовниците повторно ги обвини дека се под дејство на дрога, која им ја дилаат членовите на Ал Каеда.
Либиската државна телевизија, денеска наутро објави дека владините сили под своја контрола ги вратиле градовите Завија, Рас Лануф, Мистрат и Тобрук и дека напредуваат кон Бенгази. Меѓутоа овие информации се делумно спротивни на изјавите на сведоците од терен. Новинарот на агенцијата АФП јавува дека пристанишниот град Рас Лануф, со важни нафтени терминали сè уште е во рацете на бунтовниците.
Очевидци за Ројтерс изјавиле дека во градот Завија, 50 километри од Триполи, ноќта поминала мирно по два дена жестоки судири меѓу бунтовниците кои цврсто го држат центарот на градот и силите на Гадафи.
Ситуацијата во Завија, градот кој е бунтовничко подрачје најблиску до Триполи и град со нафтена рафинерија, е посебно непријатна за либиските власти, кои настојуваат да кажат дека го држат барем западот на земјата.
Според извори од локалната болница, во судирите во тој град загинале најмалку 30 цивили.
Недела е 20-ти ден од почетокот на протестите против Гадафи. Тој во разговорот за францускиот весник вели дека го поддржува доаѓањето на мисијата на ОН или Африканската унија за да провери што се случува во земјата, од која според податоците на ОН, досега избегале 190 илјади луѓе. Притоа им вети и полна слобода во истрагата.
Одговарајќи на новинарско прашање за неговиот блокиран имот, Гадафи одговорил „Шаторот е се што поседувам, нека дојде нека докаже некој дали има некој динар“. /крај/хина/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Ако француските авиони можат да го заштитат небото на Израел, зошто да не и нашето
Украинскиот претседател Володимир Зеленски изјави дека ја очекува посетата на неговиот француски колега Емануел Макрон на Киев за да разговара со него во врска со неколку точки на соработка, особено како најефективно да се зајакне заштитата на украинското небо.
„Ако француските авиони со француски пилоти можат да го заштитат небото на Израел, зошто француските авиони не можат да го заштитат небото на Украина. Но, во секој случај, неопходно е таквите иницијативи да доаѓаат од личноста од која зависи одлуката. И Емануел Макрон сè уште не разговарал за овие точки со мене. Тој вети дека ќе дојде во Киев и тука ќе имаме можност да го направиме тоа“, изјави претседателот на Украина во интервју за познатиот француски медиумски блогер Хуго Травер, на прашањето за можноста за испраќање француски војници во Украина.
Зеленски изјави дека не е во надлежност на украинскиот претседател да ја повика француската армија во Украина.
„Немам право да кажам дека утре француската армија треба да биде во Украина со полна сила и да се бори за нас, едноставно немам право на тоа и затоа никогаш не го покренав ова прашање“, рече тој.
Што се однесува до другите точки на соработка, како што наведе, тие се пред се мисии за обука на воени инструктори од Франција, пренесува Укринформ.
Макрон требаше да ја посети Украина во февруари, но потоа посетата беше одложена, според медиумите, од безбедносни причини. Подоцна, средината на март беше спомната меѓу можните датуми.
Зеленски рече дека е уверен оти ќе се најде формат за разговор со Русија за одлуките што водечките земји во светот ќе ги договорат на Мировниот самит во Швајцарија, кој беше најавен за 15 и 16 јуни.
– Ако по првиот самит заминеме со разбирање дека имаме точки за кои сите се согласуваме… Ако на маса има земји кои навистина сакаат мир и бараат праведен мир од Русија, тогаш документ со нашата визија ќе биде подготвени и ќе дојде моментот кога за тоа ќе се разговара со претставници на непријателот – рече Зеленски.
Според Зеленски, повеќе од 80 земји во светот ќе можат да постигнат договор за најмалку три точки од Формулата за мир.
Регион
Вучиќ во ОН: Курти денес не е во Њујорк оти води тајна кампања во Северна Македонија
За време на седницата на Советот за безбедност на Обединетите нации посветена на шестмесечниот извештај на генералниот секретар на ОН Антонио Гутереш за работата на УНМИК, српскиот претседател Александар Вучиќ го обвини лидерот на движењето Самоопределување, Аљбин Курти за мешање во внатрешните работи на Македонија.
Вучиќ истакна дека Курти не бил присутен на седницата во Њујорк бидејќи бил зафатен со водењето на изборната кампања на неговата партија во соседна држава.
Вучиќ изрази изненаденост од тоа што, според него, најпопуларен политичар во Македонија е претседателот на Србија, иако нема кампања во таа земја.
Тој посочи дека како претседател на Србија се извинува за постапките на, како што го нарече, српскиот граѓанин Аљбин Курти и истакна дека мешањето во внатрешните работи на Северна Македонија не е политика на Србија, туку постапка на неодговорен граѓанин.
Свет
Наствничка го убила своето момче – „ковидот“ го искористила за да го закопа телото, а на неговото семејство му пишувала пораки
Наставничката во основно училиште го убила своето момче кое ја изневерувало во нејзината куќа, а потоа им кажала на сите дека е позитивна на Ковид, за да си купи повеќе време во карантин за да го закопа во нејзината градина, соопшти денеска судот.
Фиона Бил (50) го намамила своето момче, градежникот Ник Билингем (42), во спална соба, го врзала за креветот, а потоа го избол во вратот на 1 ноември 2021 година, беше кажано на судот. Како што пренесува „Дејли мејл“, и како што рекол обвинителот, наставничката однапред го купила ножот, што доведува до планираното убиство.
Наставничката потоа им кажала на пријателите дека парот бил позитивен на „Ковид-19“ за да не биде вознемирувана додека ја закопувала својата жртва,во градината во нивниот дом во Нортхемптон, слушнаа поротниците.
Неговото тело било пронајдено четири месеци подоцна завиткано во чаршафи во импровизирана гробница, откако полицијата ги пронашла нејзините дневници каде таа го пишувала и планирала убиството како нејзино алтер его „Тулип22“.
A teacher who stabbed her partner and buried his body has post PTSD due to coercive control, a court heard.
A forensic psychologist told jurors at Northampton Crown Court Fiona Beal may have experienced a “loss of control” caused by a fear of violence.https://t.co/3Bm1CXWTkg
— David Challen (@David_Challen) May 22, 2023
Бил потоа со месеци го користела телефонот на нејзиниот партнер за да испраќа пораки до неговите пријатели и роднини преправајќи се дека тој е сè уште жив и дека продолжил со друга жена, сослуша судот. Таа го призна убиството од небрежност, но негираше дека го планирала однапред.
Судот слушнал и дека Билингем во минатото имал афери, при што често се иселувал од куќата, но парот секогаш се помирувал.
„На 1 ноември даде позитивен тест за ковид – бидејќи на онлајн апликацијата на Националната здравствена служба можеше да се внесе позитивен тест – додека пред тоа планираше како да го убие своето момче – што и го направи. Го прободела од лево кон десно, па надолу – рече обвинителката и објасни дека „нема докази дека направила ПЦР тест“, и дека „нејзините постапки во следните 10 дена се спротивни на дејствијатаза време на карантин“.
По убиството, Бил ја искористила онлајн сметката на нејзиниот партнер за да купи средства за чистење, лопати за копање, селотејп и горилник за градинарски лисја. Искористила се за да го завитка и закопа партнерот во импровизиран гроб во дворот од куќата.
– Начинот на кој беше завиткан, во кабли, црева и најлонски кеси, не му даваше достоинство ниту по смртта. Тоа покажува целосен презир. Таа не можеше да му прости – додаде обвинителот.
Бил на судењето се бранеше со тоа што немала свест и сеќавање за настанот.
Нејзиниот бранител објасни дека „Бил била во токсична врска со Билингем, а тој ја контролирал и манипулирал со години, сè додека таа не ја „скршила“.
Судењето, кое се очекува да трае шест недели, продолжува.