Свет
Почина пријателот од „Дневниците“ на Че Гевара
Алберто Гранадо, човекот кој во младоста беше неразделив пријател и следбеник на идниот револуционер, Ернесто Че Гевара, почина во својата 88 година
Алберто Гранадо, човекот кој во младоста беше неразделив пријател и следбеник на идниот револуционер, Ернесто Че Гевара, на патувањата кои се овековечени во филмот „Дневниците на Че Гевара“, почина во својата 88 година во Куба, објавија кубанските медиуми.Славното патување низ Латинска Америка започнало кон крајот на 1951 година на стар британски моторцикл што бил во сопственост на Гранадо. Се претпоставува дека тоа патување ја разбудило симпатијата кон сиромашните и желбата за социјална правда кај Че Гевара, кои на крајот ќе го претворат во револуционер.Алберто Гранадо е Аргентинец, исто како и Че. На покана на својот пријател во 1961 година се преселил во Куба и таму останал до својата смрт. Неговата пепел, како што јавуваат кубанските медиуми, ќе биде разнесена низ Аргентина, Венецуела и Куба.Пријателот на Че, Гранадо, беше биохемичар кој основаше медицинско училиште на Куба. Автор е на книгата „Патувањето со Че Гевара: Создавањето на револуционерот“ врз чија основа е снимен филмот „Дневниците на Че Гевара“.Режисер на филмот, кој премиерно беше прикажан во 2004 година, е Бразилецот Валтер Салес, додека во улогата на Че Гевара настапува актерот Габриел Гарсија Бернал.Меѓу другите, филмот се закити со наградата Оскар за најдобра оригинална музика и наградата БАФТА за најдобар странски филм. /крај/т.д.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.