Свет
Г8 без договор за воена интервенција во Либија
Најбогатите светски земји на самитот на групата Г8 кој се одржа во Париз, не постигнаа договор за воена интервенција во Либија. Ова го објави францускиот министер за надворешни работи, Алан Жипе, кој призна дека не ги „убедил“ партнерите во врска со ова прашање.
Најбогатите светски земји на самитот на групата Г8 кој се одржа во Париз, не постигнаа договор за воена интервенција во Либија. Ова го објави францускиот министер за надворешни работи, Алан Жипе, кој призна дека не ги „убедил“ партнерите во врска со ова прашање. Жипе потсети дека Франција и Велика Британија инсистирале на воведување на зона забранета за летови над Либија , како би се ослабнала воената моќ на Моамер Гадафи. Францускиот министер за надворешни работи за радиото „Европа 1“ рече дека меѓународната заедница нема да може да ги спречи силите на Гадафи да ја вратат контролата врз Бенгази, вториот град по големина во Либија. Министрите на групата Г8 се договориле што поскоро да продолжат преговорите во Обединетите нации и Советот за безбедност, како би била подготвена резолуција со која би се зголемил притисокот врз Гадафи. Жипе спомена дека е возможно на Либија да и бидат воведени поморски санкции. Разговорите на министрите на Г8 продолжуваат денеска, а се очекува да завршат попладнево. крај/х/н.ц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.